رواية قصة لعبة الحب كاملة بقلم ميرنا ناصر

«بعد  ساعتين»
=ااه... مالك مالك... قوم يامالك 
"سمعت صوت ضحكته"
_ياشيخة منك لله فى حد ينقل حد للمستشفى يموت مكانه 
"قومت من على السرير بلهفة شديده ولقيته قاعد جنبى وماسك ايدى اللى فيها الكانيولا وايده هو كمان فيها كانيولا ومتعلق محلول فيها وعلى الرغم من كل ده بيضحك ف وشى "
=مالك...انت مالك ؟!
"بص لى وضحك  وحط وجهى بين يديه "
_ انتِ فقدتى الذاكرة ولا ايه؟! ايوه مالك ياست البنات
=انا فيين 
_فى اوضتى.. احنا روحنا م المستشفى من نص ساعه كدا ونزلنا على بيت خالتك هنا وحطوكِ ف اوضتى ولسه حالا ماما وخالتو طالعين قولت افوقك بقا 
=يعنى احنا مش ف الج،ـنة؟!
"ضحك جامد وبص لى وكرر ضحكه"
_جنة؟!!! ج،ـنة ايه يابتول دى 
=انت موتت.. وانا من زعلى عليك موتت ودخلنا الج،ـنة 
_قنبلة تفاؤل.. احنا عايشين عادى اهو على الارض 
"وضحك ومسك ايديا " احنا مش ف الج،ـنة   
"عيطت بحرقه زى الاطفال"
=يعنى انت عايش عادى مش ميت ؟!  .. بس انت مكنش فى نبضات ف قلبك.. انا كنت همـ،وت  يامالك لو حصلك حاجه انا...
"اترميت ف حضنه من غير وعى وكملت عياط"
=اوعى تسيبنى يامالك انا.. انا عارفة انى شخصية ضعيفة ومخذولة واعتمادية بس هتغير صدقنى بس اوعى تزعل منى او يحصلك حاجة او تموت   

"ربت على كتفى وطلعنى من بين ضلوعه  "
_بغض النظر انك مش واعية  انتِ بتعملى ايه.. او بتقولى ايه.. بس انا اللى اسف انى فكرت فيكِ غلط.. اسف انى كنت غبى وجرحتك.. اسف انى كنت قاسى وحجر عليكِ.. اسف انى انا المفروض احميكِ روحت اذيت مشاعرك مش عارف انا عملت كدا اذاى وليه؟!
"ضـ،ـربته على صدره "
=عشان غبى..وعبيط  .
_تسلميلى ياست متشكرين 
"مسح لى دموعى"
_متعيطيش بقا انا كويس انا بس من الصدم#مه تعبت شويه ومكنتش واكل اى حاجه وضغطى وطى..
=يعنى بس ده اللى حصل؟!
_شوية صدم#مه عـ،صبية على خفيف كدا 
"ضِحكت "
_وبعدين انا مكنتش عارف انى غالى اوى عندك كدا 
=انت كل حاجة يامالك فى حياتى مش غالى وبس ثم ان دا مش هيغير من حاجة انى زعلانه منك مoت ومش مسمحاك ابدا 
_دا انتى كنت هتموتى عليا م الخو.ف!! مش مسمحانى اذااى؟!!
"عيطت" 
_بقا انا بنفسن وبغير من فرح..  انا بوقع بينكم ومش بتمنالك الخير يامالك انااا.  توتا اختك وصاحبتك وبنوتك 
=حقك عليا انا اتعصبت وهى ربنا يسامحها بقا كانت مفهمانى الدنيا غلط 
_كنت مستنية منك تعاتبنى..  تحكيلى وقول لى ساعتها كنت هتفهمها على حقيقتها 
_بس ربنا مكنش حابب يكشفها دلوقت كان ساتر عليها وكشفها ف الوقت المناسب...  
=انت تعبان يامالك منتكلمش عن الموضوع ده خالص احسن 
"ابتسم لى "
_انا زى الفل ياما دقت ع الراس طبول مجتش عليها يافرح 
"بصيت له بإبتسامة صفرا"
=انا بتول.. مش فرح يامالك 
"اتنهد وغمض عيونه وكأنه بيحبس دموعه واتكلم بصوت مبحوح "
_اسف..يابتول 
=اتكلم يامالك طلع اللى جواك بلاش الهدوء الزياده ده كسر الاوضة مثلا  اصرخ.. اعمل اى حاجة 
"دموعه نزلت من عيونه"
_انا كويس وعشان اثبتلك ده هصالحك بطريقه حلوه 
=كويس وانت بتعيط دا انا اول مرة اشوف دموعك..مالك انا
"قاطعنى ف الحديث واتنفس بصعوبه ومسح دموعه"
_فاكرة لعبة حب؟! اللى اتكلمنا عليها امبارح 
=ايوه فاكراها.. بس ايه لازمه الكلام ده دا كان هزار وضحك وشويه مشاعر مشتته راحت لحالهم 
_يعنى انت مش نفسك تلعبيها وتأجرى ممثل يمثل دور حبيبك 
"ضحكت وبصيت ف عيونه"
=بصراحه بصراحة اه نفسى بس ف التخيلات ده ج،ـنون يامالك هنزل ادور على حبيب بالايجار زى المسلسلات التركى يعنى!!
_ وانا بتمنى انك متزعليش وهحقق الج،ـنون ده 
"اتصدمت وبصيت له"
=يعنى هتجيب ممثل يعمل دور الحبيب؟!
_اه وانا الممثل  اعجب؟!  جاهزه تلعبى؟!
اتصدمت اكتر وبصيت له بإندهاش وعنيا وبوئى مفتوحين "