رواية خط@ف قلبي بقلم شهد محمد موسي
سابتني وِ مِشيت راحت لخطيبها وأنا فضلت واقفة مكاني مَصدومة مِن كلامها أو يمكن موجوعة موجوعة أوي طِلع الكلام لما بيتقال صريح في وشك ومن أقرب الناس ليك بيوجع أوي أوي ليه بنأذي بعض بالشكل دا!!؟ وعشان إي!!؟
لَقيت مَحمد وقف قدامي وباصص ليا بحزن وأسف بَس هو حزين ليه!!؟ كُل دا مِش بسببه! هو ملوش ذنب الذنب ذنب أختي وأفكارها لكن هو ملوش ذنب في حاجة!!!
رَميت نفسي في حُضنه ومهتمتش إني في الشارع وأمه لا إله إلا الله هتبص علينا بس كُنت محتاجة حُضنه في الوقت دا كان هو الحاجة الوحيده إللي ممكن تخفف عني الوجع إللي قلبي حاسس بيه!!
جايز البعض هيشوفني ببالغ بس بجد الحُضن دا مهم مهم أوي يا جم١عة قادر يخفف عننا بشكل مِش معقول!! أي أمر معنوي بتوضح بيه للي قدامك إنك معاه وبتحاول تتطمنه زي الحُضن أو مَسكه إيد أو حتي كِلمة زي أنا معاك أو مش هسيبك كُل دا بيفرق بِشكل أو بأخر بجد بيفرق أوي
_هَمس بنبرة مرحة وهو بيطبطب علي ظهري: أنا معنديش مشاكل تِفضلي كدا لطول العُمر بس بالشكل دا هيبقي فعل فاضح في الطريق العام وهنبات في القسم النهاردة يا حبيبي!!!
_ضِحكت وبِعدت عن حُضنه شوية وإتكلمت وأنا بتشهق وبمسح دموعي بإيدي: لاء نِبات في بيتنا بكرامتنا أحسن!!
_ كَمل بمرح وإبتسامة: يا وعدي يا وعدي علي الضحكة القمر دي إللي بتنور الدنيا وأولها حياتي
_كَملت بإبتسامة وحُب: بكاش أوي إنتَ
_مِسك إيدي حطها علي كِتفه ومشينا وأتكلم بحب: بكاش بس بَحبك والله وأوي كمان..
_بَصتله بِحب وإتكلمت: وأنا كمان بحبك أوي فوق ما تتخيل بجد يا محمد "إتنهدت وكَملت بإبتسامة وأنا بضغط بإيدي علي كتفه" أنا معرفش إنتَ سمعت إي من إللي هي قالته بس مِش عايزاك تِزعل مِن إي حاجة وكُل إللي عايزاك تعرفه أنك أحسن من أي حد وأنا بتشرف بيك قدام أي حد
_حَط إيده التانية علي إيدي إللي مسنودة علي كتفه وقال بإبتسامة: أنا عارف وواثق مِن دا بطلي تفكري إنتِ بس
إبتسمتله بحب وسندت دماغي علي كتفه وأنا بحمد ربنا إنه بعتلي محمد في حياتي
____________________________________
_ملوكة....ملوكة يا وصية الرسول "كان صوت محمد المتحمس والسعيد جدا "
_خَرجت من المطبخ بسرعة وأنا بقول: أيوة يا محمد في إي سرعتني!!!
_لَقيته خدني في حُضنه وكَمل بفرحة: ربنا بعتلي رزق حلو أوي حلو أوي يا ملك
_بادلته الحُضن وإتكلمت بفرحة زي فرحته بالضبط تقريبا بينشر العدوي!: بجد! الحمدلله الحمدلله رب العالمين ربنا يرزقك كمان وكمان يا حبيبي "كَملت وأنا بخرج من حضنه بس فضلت ماسكه كتافه" إي بقي الرزق الحلو دا إللي سَعي إليك وربنا بعته؟
_لَقيته بيخرج مِن جيبه سِلسلة دَهب وبيرفعها قدام وشي وبيتكلم بفرح: لَقيت دِي وأنا بَفرز الحاجة النهاردة
_إبتسمت بهدوء وكَملت: طَب هتعمل بيها إي دِي !؟
_ضَربني بخفة علي دماغي وكَمّل: هَبيعها أكيد يا أم مخ ألماظ إنتِ وبفلوسها هجيب شوية شيبسي وحلويات وكدا يعني وأحطها في المحل إللي تحت دا ورزقي علي الله
_شديته معايا وقَعدنا علي الكَنبة وكَملت بإبتسامة ونبرة هادية: هعمل سكيب لموضوع البيع دا دلوقت وهتكلم في أللي إنتَ قولته دا إنتَ ليه عاوز تفتح المحل دا مِش كفاية لَفك طول اليوم وتعبك ليه عايز تتعب نفسك زيادة يا حبيبي!؟ والحمدلله يعني مستورة وماشية وأدينا عايشين أهو وزي الفل..
_خد نفس طويل وكَمل:بس أنا مش هتعب نفسي ولا حاجة يا ملك أنا هفتحه وهقعد فيه بس وهيبقي هو شُغلي الوحيد
_بَصتله بحزن ودموعي بدأت تتجمع في عيني وأتكلمت: إنتَ لو عايز تعمل كدا عشانك أنتَ وعشان إنتَ عايز دا أكيد هكون مبسوطالك وفخورة بيك لكن لو عايز تعمل كدا عشان كلام أختي فـَ أنا قولتلك ملكش دعوة بيها وبكلامها ولا بكلام الناس وتفكيرههم إنتَ عالي في عيني أنا وإنتَ زي ما أنت كدا وأنا فخورة بيك وأتشرف بيك قدام أي حد والله
_مِسك إيدي با@سها وبَصلي بِحب وإتكلم: أنا عارف والله عارف وواثق مِن دا وأنا مِش عايز أعمل كدا عشان أختك!!! ولا حَتي الناس "حَط إيده علي بطني وأتكلم بصوت حنون" أنا عايز أعمل كدا عشان بِنتي! مِش عايزها لما تيجي للدنيا حَد يجرحها بأي كِلمة أنا كُنت بستحمل إنك أنتِ بتتعرضي لكلام الناس بالعافية وفكرت كتير إني أبعد عنك بس كُل مره مكنتش بقدر لأني قلبي أتعلق بيكي ودا مِش بإيدي وكمان عشان عارف إنك بتحبيني زي مانا كدا كُل دا كان بيهون عليا بس مِش هستحمل أي كِلمة ممكن تجر@ح بنتي مِش عايز بنتي تكرهني يا ملك!!
قاطعته وأنا بحط إيدي علي بؤه: مين قال إنه بنتك هتكرهك إي إللي بيخليك تِفكر كدا!! بالعكس دي هَتحبك بِشكل رهيب وهتبقي فخورة بيك دايما إنك أبوها لا أنا ولا هي هنلاقي في حنيتك وحُبك يا محمد...
