رواية خط@ف قلبي بقلم شهد محمد موسي
الرجالة كمان من حقها تسمع كلام حلو هما كمان بني آدمين زي الستات بردوا وبيحسوا وبيحتاجوا يسمعوا كِلمه حلوة وخصوصا مِن شريك حياتهم بيفرق في نفسيتهم جدا علي فكرة ولما نفسيتهم تبقي حلوة تأكدي إنه حياتك إنتِ كمان هتكون حلوة معاه فوراء كُل رجل سوي نفسيته زي الفل إمرأة عظيمة بتقوي نفسيته وِبتدعمه يا أختاااه قولي لجوزك أو أخوكي أو أبوكي حتي كلام حلو الكلام ببلاش والله وأقولك التقيلة هتاخدي حسنات والكلام ليك بردوا يا أخي العزيز.....
_______________________________________
_الجو حلو أوي النهاردة
_إتكلم بتهكم وهو بيفرك في إيده عشان تدفي: قصدك تلج أوي يا حبيبتي
_بَصتله بقر@ف: إيش فهمك إنتَ ياللي بتحب الصيف والتلزيق!!؟
_كَمل بغيظ: مِش أحسن ما أحب الشتاء وألبس خمستاشر حِته وأبقي عامل شبه الدُب المنفوخ كدا!!؟
_حَطيت إيدي علي بؤي وضِحكت: إنتَ فعلا شَبهه
_بَصلي بغيط وإتكلم:إضحكي...إضحكي يا أختي "كمل بهمس وصوت غير مسموع " منزلاني في عِز البرد عشان تتمشي علي الكورنيش المـ جنونة!!
عيني لَمعت بحماس أول ما شوفت بتاع الحُمص الشام ولَفيت له ومِسكت إيده وإتكلمت بحماس: يلا روح هاتلي حُمص شام بسرعة
_شاوري بإيده التانية علي عنيه وقالي بحب: عيوني بَس كدا!!
إبتسمتله بحب وقربنا الراجل بتاع الحُمص
_إتنين لو سمحت..
_كَملت بحماس:وكَتر الشطة
_متحطش شَطه أصلا "كَمل بغيظ وهو بيبصلي" حضرتك نسيتي إنك حامل ولا إي!!؟
_بَصتله بغيظ: هو عشان حامل يعني ممنو@ع آكل شطة!!؟ مين فتي الفاتية دي!!؟
_كمل بتهكم: الناس كُلها بتقول كدا!!
_كَملت بغيظ:أنا مالي ومال الناس أنا دكتورة أهو وبقولك الشطة مِش مُضرة علي النونو أبدا هي بس لو هتأثر يعني هتخليه لما يكبر يِحب يأكل نوع أكل معين يعني مثلا تلاقيه بيفضل الموالح مثلا عن باقي الأكل وهكذا يعني مِش حاجة خطير@ة والكلام دا كمان لو كُنت بأكلها بإستمرار وبكميات كبيرة أوي لكن غير كدة مفيش أي خط@ر علي النونو تأكد"كَملت بهمس وبرطمة من غير ما يسمع" هو أنا ممكن أتعب شوية وهيجيلي حر@قان في المعدة أو إمساك بس مِش مشكلة كُله يهون عشان الشطة
_كمل بغيظ: ولو مش هتأكلي شطة بردوا يا ملك !!
_لَفيت وشي بعيد عنه وهمست بغيظ:رخم!! وهادم اللذات!!
_ضِحك وكَمل بإستفزاز وهو بيديني كُباية الحُمص: مِن بعض ما عِندكم يا حبيبتي
_خدت منه الكُباية وبَصتله بغيظ ولَفيت وشي بعيد عنه بس مجرد ما لفيت شوفت مِنة أختي!!
