رواية خط@ف قلبي بقلم شهد محمد موسي

_كمل بغيظ: ولو مش هتأكلي شطة بردوا يا ملك !!

_لَفيت وشي بعيد عنه وهمست بغيظ:رخم!! وهادم اللذات!!

_ضِحك وكَمل بإستفزاز وهو بيديني كُباية الحُمص: مِن بعض ما عِندكم يا حبيبتي

_خدت منه الكُباية وبَصتله بغيظ ولَفيت وشي بعيد عنه بس مجرد ما لفيت شوفت مِنة أختي!! وواقف معاها واحد غَريب

-محمد إمسك دِي كدا

مِسكها مني وأنا مِشيت بعيد عنه وكُنت بقرب من مِنة

_ ملك..استني رايحة فين...يابنتي!!

أنا حرفيا معبرتوش هو المفروض أرد بس عاطفتي وأشتياقي لأختي كان واخدني بس يارتني مَا كنت شوفتها ياريتني!!

_مِنة "ندهتها بلهفة وأنا الدموع في عيني وإبتسامتي علي وشي "

_لَفت ليا وبَصتلي بنظرات خالية من المشاعر وببرود: أهلا يا ملك

_دموعي نِزلت من برودها وإتكملت بحزن وضيق: مالك بتقوليها كِدا ليه يا مِنة للدرجادي موحشتكيش!!!

_لقيتها بتبص للراجل إللي واقفة معاه دا وإبتسمتله بود: عن إذنك يا حبيبي ثواني بس "وراحت شداني جامد مِن إيدي كأنها بِتشد به@يمة!!! مقولوكوس قلبي كان بيت@خلع ويتأ@لم إزاي!! لغاية ما بعدنا شوية عن الراجل إللي معاها ولقتها بتتكلم بعصبية ونرفزة: إنتِ إي هاه؟ أنا مش قولتلك لو أتجوزتيه يبقي لا أنتِ أختي ولا أعرفك!! وأنتِ إتجوزتيه وفضلتيه عليا ومعملتليش إعتبار!! راجعة ليه دلوقت ليه بتظهري في حياتي دلوقت!!!

_ بَصتلها بخز@ي وو@جع وإتكلمت بشه@قات عالية: أنا مفضلتش حد عليكي أنتِ أختي إللي فضلالي من أمي وأبويا بس تفكيرك غلط غلط أوي يا منة لكن مكانك لسة زي ما هو لانك أختي يا مِنة أختي!! وأول ما شوفتك مصدقتش عينيا وجريت عليكي علي طول !!

_قلبت عينيها بنفاذ صبر وقالت ببرود: بقولك إي يا ملك إنسي أنه ليكِ أخت خالص ولو شوفتيني تاني إعملي نفسك متعرفينيش قشطا!! أنا مِش ناقصة شُبهه قدام خطيبي

_إبتسمت بو@جع ودموعي بتزيد: شُبهه بقيت شُبهه يا مِنة!!

_بَصتلي ببرود وإتكلمت بسخرية:أه شُبهه يا ملك من ساعة ما أتجوزتي العربجي دا وقللتي من مكانتك ومكانتي تِبقي شُبهه ونص وأنا مرضاش إنه خطيبي الدكتور أمجد يتعرف بيكِ ولا بجوزك العربجي دا!!"كَملت بِحده" فأبعدي عني خالص يا ملك فاهمهه مِش عايزة خطيبي يُبصلي بنظرة مش لطيفة بسببك وبسبب جوزك دا!! سلام