قصص الانبياء قصة سيدنا ايوب وشعيب وذا الكفل ويونس عليهم السلام
سيدنا أيوب كان حالف يضربها مائة ضـ،ـربة ، لكن زوجته عانت معاه ،وتعبت عشانه ،ومتخلتش عنه في محنته ، فمينفعش يبقى جزاء الصبر والوفاء انه يضربها ..
لكن عشان الحلفان بقي فربنا أوحى له انه يجيب مائة عود صغير من أعواد القش ، ويربطهم ببعض ، ويضر .بها بيهم ضـ،ـربة واحدة صغيرة ..
فتبقى الضـ،ـربة الرقيقة بمائة عود كأنها مائة ضـ،ـربة.
( وَخُذْ بِيَدِكَ ضِغْثًا فَاضْرِب بِّهِ وَلَا تَحْنَثْ ۗ إِنَّا وَجَدْنَاهُ صَابِرًا ۚ نِّعْمَ الْعَبْدُ ۖ إِنَّهُ أَوَّابٌ )
ربنا سبحانه شاهد على صبر زوجة أيوب ، فنزل الأمر عشانها من السماء..
عشان جزاء الإحسان مينفعش يكون إلا الإحسان ❤
#سيدنا_أيوب
[٢٠/٨ ٨:٣٢ م] Alaa Hosny: 2️⃣3️⃣
شوفتي الجديد !؟
= إيه ..
سمعتي عن الناس إللي بتعبد شجرة!
= لا والله أنا سمعت أن فيه بيعبدوا الأصنام ،، يعبدوا كواكب ، قمر ، نجوم ، إنما شجرة هههههه جديدة دي !!
لأ وإيه كمان ،
مش كفاية بيعبدوا شجرة ،، دول بيغشوا الناس في الميزان !!
= يالهوي بيغشوا الناس في الميزان 😱
اه وكمان بيسرقوا مجهود وتعب غيرهم !!
= لا كدة الموضوع كبير ده انتي تحكيلي حكايتهم بقي !!
كان في قبيلة اسمها مَديَن،،
أهل مدين دول كانوا ناس كفار ،، وكانوا من أسوأ الناس معاملة ، وكانوا بيعبدوا شجرة " اسمها شجرة الأيكة "..
كان أهل مدين قطّاعين طُرق ..
بيطلعوا على الطريق ويخوّفوا المسافرين وياخدوا فلوسهم وحاجتهم،،
كانوا شبه قوم لوط كدة !!
وكانوا في البيع والشراء ، ياخدوا بالزيادة ويدفعوا بالناقص..
" يعني بيبيعوا مثلا القماش ناقص بفلوس زيادة "
لكن لما همَ إللي يشتروا بياخدوا زيادة عن حقهم ..😠
ودول اللي ربنا قال عنهم في القرآن "ويل للمُطَفّفِين" .
