قصص الانبياء قصة سيدنا ايوب وشعيب وذا الكفل ويونس عليهم السلام

#سيدنا_ذا_الكفل
[٢٠/‏٨ ٨:٣٤ م] Alaa Hosny: 2️⃣5️⃣
هو كان فيه نبي إسمه " يونان " ..؟

= نعم ، نعم هنستهبل !!😒

استغفر الله العظيم ، طيب بلاش يونان بدل ماتعرفش!

كان فيه نبي إسمه " ذا النون " ..

يووووة !! ، انتي بتقولي أى هبد على فكرة 😒

= طب تصدق بقي مش هقول إسمه اللي ذُكر في القرآن إيه!

بس علي فكرة بقي هو من أسمائه يونان ، وذا النون ، ايه رأيك بقي!

لأ إذا كان بقي قوليلنا مين هو ذا النون ؟!

كان فيه نبي كريم جداً  ، ربنا أرسله لقرية كلها كفا .اااار ..

فضل النبي يدعوهم لعبادة ربنا ، وينصحهم ، ويرشدهم إلي الخير ، ويذكرهم بيوم القيامة ، ويخوفهم من النار .
ويحببهم في الج،ـنة ..

طبعا كالعادة بني إسرائيل عملوا ايييييه ..!
كذبوه !!
ومحدش آمن بيه من قومه ..

هى كانت فين القرية دي !؟

كانت قرية " نِينَوَى " في العراق .

فربنا قاله إنه هيرسل عليهم العذـ،ـاب، لكن النبي غض.ب جداً على قومه وقالهم :
إن ربنا هيرسل عليهم العذـ،ـاب بعد ثلاثة أيام ، وساب القرية ومشي .
وقومه غضبوا منه إنه سابهم ومشي برة القرية!

"وَذَا النُّونِ إِذْ ذَهَبَ مُغَاضِبًا "..

إيه دة !! 
يعني النبي خرج من القرية قبل ما ربنا يأمره بكدة !؟ 
= بالظبط كدة ..!

طب ليه عمل كدة !!؟
= لأن الرسل إللي قبله كان ربنا بيأمرهم يخرجوا ويسيبوا القرية ، لأن ربنا هينزل عليهم العذـ،ـاب ..

فالنبي كان متخيل إنه عادي يعمل كده لإنه نبي وربنا مش هيغضب عليه أو يعاتبه ، أو يضيقها عليه بسبب إللي عمله ده 
قبل ما الوحي يجيله ..!

"فَظَنَّ أَنْ لَنْ نَقْدِرَ عَلَيْهِ"..

بعد ما خرج من القرية راح ركب سفينة في البحر،،

وهمّ في الطريق البحر هاج والناس خافت لَيغرقوا،
فقالوا خلاص نخفف الأحمال شوية !
فرموا الأمتعة بتاعتهم في البحر ، بس برضو لسه السفينة تقيلة!
فقالوا مفيش قصادنا حل غير إننا نبدأ نرمي من الناس حد معين!

فعملوا زي قرعة كدة ، فطلع نصيبها مييييين إنه يترمى في البحر🙊

النبي طبعاً ..