رواية حي العشاق كاملة بقلم سلمي تامر
المحتويات
بجد انت شايف كده يارا هنا كانت على وشك الانفجار وقامت فجأة بغضب وطلعت من الأوضة تحت استغرابهم وسمير ابتسم بخبث لأنها اكيد هتضايق وتسيبه وتفسخ الخطوبة ورجع يكمل كلام مع نادين ~~ يارا طلعت لزينب ورياض وبصيت لزينب بتساؤل _طنط هو عندكم ليمون؟ زينب بإيجاب وهي بتاكل لب وبتتفرج على التليفزيون _اه ياروحي جوه في التلاجة يارا بصيت لعمر اللي كان لابس لبس كورة ولابس شنطة ضهر ونازل _ استنى يعمر بصلها عمر بإستفهام يارا برجاء _ممكن بليز تجيب الشجرة الصغيرة اللي قدام الباب عقبال ما اعمل كوبايتين لمون بسرعة؟ عمر بصلها بإستغراب وحط الشنطة عالكرسي وطلع جاب الشجرة الصناعية اللي قدام الباب بصعوبة لأنها تقيلة ودخل بيها الشقة اخيرا ولقى يارا عملت الليمون بسرعة _تعالى ورايا بالشجرة بليز عمر بحقد على سمير _ياحظك يا سي سمير ،هو قاعد معاه بنتين وهيشرب لمون والدنيا عنده هيصة وهنا رياض وزينب قاعدين في قاعدة رومانسية وبياكلوا مكسرات وبيتفرجوا على التليزيون ياحظك الاسود ياعمر ياللي مش لاقي انثى بطريق حتى تعبرك يارا بغضب _يلا بقا وبطل كلام كتير عمر دخل ورا يارا بالشجرة ولقى سمير ونادين اللي بيتكلموا بإنسجام يارا حطيت الصنية بعنف عالترابيزة وهما بصولها بإستنكار من افعالها _تعالى ياعمر حط الشجرة في النص ما بينهم يلا عمر كان رايح يحطها فعلا بس سمير وقفه بعنف _استنى ياجحش انت وبص ليارا بغضب _فيه ايه ؟ ايه اللي بتعمليه ده انتِ كمان عمر وهو بيحاول يكتم ضحكته _بتطبق المعنى الحرفي( لأجبلكم شجرة واتنين ليمون) يارا ولأول مرة بغضب لسمير _فيه اني كنت قاعدة بتكلم مع خطيبي ف امان ولقيت بنت غريبة جت حضنته وقعدت تتكلم معاه ببجاحة ولا كأني قاعدة نادين بحدة _حبيبتي احترمي نفسك واتكلمي عدل يارا بصتلهم بإشمئزاز _والله اتكلم بالطريقة اللي انا عايزاها ياحبيبتي مش انا اللي حضنت شاب غريب عني وقعدت جنبه ولا كأننا متجوزين نادين بصتلها من فوق لتحت _
انتِ اسلوبك في الكلام مقرف بجد يارا بغضب _تصدقي انك واحده مترب.... قاطعها سمير بغضب _يارا ! اتكلمي بإحترام معاها احسنلك يارا بصتله بصد@مة وغضب _انا اللي اتكلم معاها كويس ياسمير! يعني لو انا اللي دخل شاب وحضني وانا قاعدة معاك عادي مش هتعمل حاجة سمير تجاهلها وبص بإعتذار لنادين _اسف يا نادين على اللي حصل ده يارا بصراخ _انت كمان بتتأسفلها بدل ما تطردها سمير بحدة _يارا لو سمحتي ممكن تروحي شقتك دلوقت ! يارا بصد@مة وحزن _انت بتطردني ياسمير! بتطردني علشانها بس بعدين ملامحها اتبدلت وبصتله بإبتسامه _اه انا فهمت انت عامل فيلم معاها صح؟ مكنتش عارف تطفشني ازاي ف قولت اما اغيظها بواحدة تاني وتبعد عني بقا سمير بصلها بإرتباك وهي فهمت ان تخمينها صح وابتسمت بحزن عمر بتدخل _جماعة خلاص صلوا عالنبي في ايه يارا بهدوء مصطنع _طب طالما انت مش بتحبني جيت تخطبني ليه؟ نادين بتدخل _طب سمير انا همشي دلوقت وهبقى اكلمك بعدين وطلعت نادين بسرعه ومشيت وعمر اتسحب من جنبهم وطلع يجري على زينب ورياض علشان يقولهم اللي بيحصل يارا بحدة _ماترد عليا ياسمير جيت تخطبني ليه سمير بملل _ممكن تتكلمي بهدوء ؟ يارا بغضب اكبر _لأ ياسمير مش هتكلم بهدوء انا لازم اعرف انت خطبتني ليه..هو انت مش بتحبني زي ما انا بحبك سمير بغضب _لأ يا يارا مش بحبك ارتحتي كده؟! يارا اتصدمت وبصتله بحزن و.... يتبع..
_مش بتحبني!! سمير بتأكيد _اه يايارا مش بحبك ومش معتبرك غير اختي ومفيش من ناحيتي اي مشاعر ليكي يارا عنيها دمعت واتكلمت بحزن وقهر _طب ليه.. ليه جيت انت واهلك واتقدمتولي وقرينا الفاتحة سمير حس بنغزة في قلبه لما شافها بتعيط واتكلم بتراجع وندم _يارا انا اسف اني جرحتك بالشكل ده بس صدقيني انا مش عايز اعيشك في وهم اكتر من كده يارا ببكاء وغضب _بس انت قولتلي قبل كده انك بتحبني ! سمير بهدوء _يارا الكلام ده من ١٥سنه..يعني كنا ساعتها اطفال ولما كبرت ودخلت الجامعة ونضجت عرفت ان مشاعري ليكي مكنتش حقيقية ومبقتش شايفك غير زي اختي مش اكتر يارا ببكاء وصد@مة _مكنتش حقيقية! وبعدين ابتسمت وهي بتهزر دماغها بنفي واتكلمت بإنهيار _لأ انت اكيد بتهزر سمير انت بتقول كده علشان انا اتكلمت مع صاحبتك بطريقة مش حلوة صح؟ اكيد ده السبب لكن انا متأكده انك بتحبني وعلشان كده جيت اتقدمتلي وقرينا الفاتحة سمير شاف منظر يارا وانهيارها وبقى واقف مش عارف يعمل ايه _يارا ممكن تهدي يارا بصراخ _متقوليش اهدي على فكرة بقا ياسمير انت الخسران وانا غلطانة اني بحبك وكنت بتمنالك الرضا ترضى بس هو الانسان كده بيدوس على القلب اللي بيحبه بمنتهى القسوة اعتبر ان علاقتنا منتهية يارا سابته ومشيت وهي بتعبط وتجاهلت نداء زينب ورياض ليها وراحت تجري على شقتهم ببكاء وقهر وئام وفاطمة شافوها وهي بتدخل أوضتها ببكاء وجروا وراها فاطمة بخوف على اختها _
متابعة القراءة
