رواية حي العشاق كاملة بقلم سلمي تامر

كريم اتصدم لما عرف ان فاطمة اتخطفت وشاف الفيديو اللي اتبعت ليارا وفاطمة ماشية في الشارع وعربية بتشدها وبتجري بسرعه اخد الفيديو وراح لذياد وكان معاه سمير وعمر واتكلم بعصبية لزياد _سماح كده جابت نهايتها معايا يازياد زياد وهو بيحاول يهديه _يكريم اهدى احنا لسه مش متأكدين ان هي اللي خطفتها كريم بإصرار _لأ هي انا متأكد..محدش ليه مصلحه انه يعمل كده غيرها زياد بنفي _يبني وهي هتعرف منين انك بتحب فاطمه مش انت قولتلي انك مثلت قدامها ان انت خلاص سيبتها وبقيت بتكرها كريم افتكر لما قابل فاطمة واتكلم بإرتباك _مهو..اصل انا قابلت فاطمة زياد بصد@مة وغضب _نعم! انت مش عارف انك متراقب يابني آدم سمير بتدخل _يجدعان انتوا بتتكلموا في ايه متفهمونا كريم حكالهم كل حاجة عن سماح وانه كان بيمثل انه بيحبها عمر بصد@مة _يعني الولية الكركوبة دي طلعت جزارة! وطلع تليفونه _طب وربنا لفضحها عالفيس زياد بصراخ _استنى يبني انت كمان انت بتعمل ايه! جماعه احنا لازم نعرف مكان فاطمة الاول وبعد كده نبقى نتصرف في موضوع سماح ده كريم قعد عالكرسي بعجز والدموع اتجمعت في عنيه _انا السبب..فاطمة لو جرالها حاجه هيبقى بسببي سمير قرب منه واتكلم بحنان _اهدى يكريم متقلقش اقسم بالله هنقلب الدنيا عليها وهنلاقيها ان شاء الله متخافش ~~~ فاطمة كانت قاعدة مربوطه في اوضة ضلمة وبتحاول تفك نفسها بعد فترة قدرت تفك نفسها اخيرا وجريت عالباب تحاول تفتحه بس لقيته مقفول طلعت تليفون صغير خالص من هدومها مقدروش يشوفوه واخده تليفونها الكبير حاولت تفتكر اي رقم ومجاش في بالها غير رقم يارا اتصلت بيها ويارا رديت فاطمة بلهفة وهمس _يارا..يارا الحقيني انا مخطوفة يارا اتنفضت بخوف ولهفة وعياط _فاطمة! فاطمة انتِ فين فاطمة ببكاء _مش عارفه..مش عارفة يايارا المكان ضلمة ومش شايفة حاجه..الو..الو فاطمة بصيت للتليفون لقيته فصل رميته بعنف وقعدت تعيط بعجز ~~~ يارا اتصلت بسمير بسرعة لأنها مش معاها رقم عمر كريم لما شاف اسمها _افتح الاسبيكر اكيد عرفت حاجه عن فاطمة وسمير رد عليها بسرعه _ الو يارا ببكاء _سمير يارا اتصلت بيا من رقم غريب وبعدها التليفون فصل كريم بلهفة _طب هاتي الرقم بسرعة يا يارا واحنا هنحاول نوصلها يارا قالتلهم الرقم وزياد حاول يتتبع المكان لحد ما عرفه وراح هو وكريم وعمر وسمير المكان ووقفوا بعيد شوية زياد بتحذير _جماعه احنا لازم نتحرك بهدوء شديد والاسلحه اللي عطتهالكم دي عايزكم تستخدموها في الضرورة بس تمام كريم مشى بسرعه من قدامه عالمكان اللي فاطمة موجودة فيه ولقى اتنين من رجالة سماح واقفين قرب عليهم بحذر وضريهم بعنف وكسر الباب ودخل لقى فاطمة قاعدة بخوف وتوتر واول ما شافته جريت عليه حضنته ببكاء _كريم كريم وهو بيهديها _متخافيش ياحبيبتي اهدي ومتعيطيش محدش هيقدر يقربلك سمير وعمر وزياد قربه منه وزياد اتكلم براحه _يلا يجماعه نمشي من هنا..انا دورت في المكان كله وملقتش غير الاتنين اللي انت ضربتهم بس كريم مسك ايد فاطمة وطلعوا من المكان ووراه عمر وسمير وزياد سمير لمح حاجه فوقيه بص لقاه قناصة واقف بيصوب على كريم برق عنيه وجرى على اخوه بخوف عليه وزقه بعنف والرص،ـاصة جت فيه كريم وعمر بصراخ لما لقى اخوهم بيقع وسطهم _سميييير يتبع.. تفتكروا سمير خلاص كده دوره انتهى وم١ت! بعد شوية في المستشفى كان سمير نايم عالسرير بتعب وكريم وزياد وفاطمة قاعدين عالكنبة اللي قدامه وعمر كان قاعد جنب سمير المصاب في كتفه وبياكل من الفاكهة الموجودة كريم بغضب _انت يابني آدم قوم من جنب اخوك اللي لسه تعبان عمر ببرود _مش قايم..انا كمان اعصابي تعبانة من اللي حصل ولازم ارتاح واتغذى كويس سمير بصوت شاحب _سيبه ياكريم بس لما مراته تيجي بقا متنساش تقوله انه كان بيحكي اسرار بيتنا لعمته علشان تجوزه هنا بنتها اللي كان معجب بيها عمر قام بسرعه واتكلم بإرتباك _حيلك حيلك يا ابو سمره مالك داخل علينا حامي كده فجأه الباب اتفتح بعنف ودخلت زينب ببكاء ووراها رياض ويارا اللي كانت قلقانه جدا ووئام ومديحة ووالد فاطمة اللي جروا على فاطمة بلهفة زينب لسمير ببكاء وهي بتحضنه _يحبيبي يا ابني! مالك ياسمير ياحبيبي ايه اللي حصلك يضنايا سمير بهدوء وعنيه على يارا اللي فرحان جدا انها جات تطمن عليه _متقلقيش يماما انا كويس يحبيبتي رياض بخوف _قولي يبني فيه حاجه بتوجعك سمير _كتفي بس يبابا..متقلقش الاصابة سطحية وئام لعمر بلهفة _حبيبي حصلك حاجة؟ عمر بتمثبل وهو قاعد عالكرسي _تعبان ياوئام..تعبان اوي انتِ مش متخيلة انا تعبت قد ايه علشان احميهم كلهم كريم بسخرية _متحكيلنا عملت ايه علشان مأخدتش بالي ياعمر يحبيبي عمر اتنهد واتكلم بكذب _أول حاجة مسكت سلاحين ودخلت على عشرين واحد غربلتهم روحت رايح للأوضة اللي فيها فاطمة وكان فيها ١٥ راجل بسلاح دخلت فيهم كلهم وقتل..تهم