رواية جميلة جدا بقلم منه الله خالد

 مبسوط باللي هى بتعمله ده، كنت حاسس إني زي البيبي الصغير اللي محتاج اهتمام مامته، رغم وجود ماما وخالتوا إلا إن وجودها هى بيهم كلهم زي ما بيقولوا، أكتشفت إني كنت واقع فيها ومحدش سمى عليا ومكنتش داري، بس قررت إن خلاص أنا هقولها بس هى عيد ميلادها قرب وخلال كام يوم، طلبت حد يزين السطح بتاعنا عشان عيد ميلادها وطبعا فهمت ماما وخالتوا باللي عايز أعمله، بس احتفظت بالمفاجأه اللي عايز اعمله  لنفسي عشان تبقى مفاجأة ليهم هما كمان، جهزت المكان زي ما أنا عايز وجبت الهديه وطبعاً يومها كنا عاملين أننا ناسين كلنا بس عشان تبقى مفاجأة فعلا ليها وتبقى فرحة متتنسيش أبداً.
"يارا"
_ماما هو أنتي مش ناسية حاجه؟
=حاجه زي إيه ياحبيبتي؟
_"أتكلمت بزعل" ولا حاجه يا ماما.
هما ازاي يعني مش فاكرين عيد ميلادي ازاي يعني؟، يوه بقي يوه، أنا مش مصدقه بجد أنا هطلع السطح مش عايزه اقعد أنا مع ناس مش فاكرين عيد ميلادي، إيه ده السطح ضلمة كده ليه، إزاي يسيبوا السطوح ضلمة كده.
_happy birthday to you, happy birthday to you yara happy birthday to you، سنه حلوه ياجميل سنه حلوه سنه حلوه سنه حلوه ياجميل.
= كل سنه وانتي طيبه يا يارا، كنتي فاكره طبعاً إن إحنا ناسين عيد ميلادك.
_"رديت بخضه وأنا فرحانه" وانتي طيبه يا خالتوا، وبعدين يا خالتوا أنتوا كلكم عاملين ناسين، وبعدين فين يونس.
لقيت يونس جاي من ضهري ومطلع خاتم شكله حلو اوي
=كل سنه وانتي طيبه يا يارا.
_"رديت بحب " وأنت طيب يا يونس، الخاتم ده ليا؟
="أتكلم بضحك"يارا الله لا يسيئك بطلي غباء شويه، وبعدين لو مش ليكي هيكون لمين؟ بس استني قبل ما تاخديه ممكن اقولك حاجه؟
_"أتكلمت باستغراب"قول يا يونس!
=تتجوزيني؟
_!!
=يارا ؟

_"أتكلمت بذهول "هه، بتقول إيه؟
=بقولك تتجوزيني، وتبقي مراتي يا نن عيني.
بصيت حواليا هو فعلا كويس وبيتكلم جد وكده ولا ده هزار.
_ أنت بتتكلم جد يا يونس ؟!
="أتكلم بحب كان ظاهر أوي فعيونه" ايوه يا يارا، تقبلي تتجوزيني، أنا بحبك يا يارا، بحبك للحد اللي ملهوش حد بجد، عارفه يوم ما بعتيلي يونس ألحقني، قلبي وقتها كان هيقف، كنت حاسس إن حته من عقلي هتطير وانا مش عارف أعمل إيه، حقك على قلبي لو كنت زعلتك مني ف يوم، ها يست تقبلي ولا إيه ؟
كنت بسمع كلامه بذهول، يونس بيحبني أنا، لا يجماعه أكيد بتهزروا، بس لقيت يونس عيونه هى اللي بتتكلم مش لسانه.
=يارا..يارا؟
_هه، هات الخاتم ده كده، قولتلي بقى هنعمل الفرح فين؟
=بتتكلمي جد؟
_هنقعد فين بس أهم حاجة ؟
طبعاً مكانش مصدق والحقيقة أنا نفسي مكنتش مصدقه، أنا أبقى حر1م يونس، ده ينهار فرحة يا استاذ ممتاز، كل حاجه اتظبطت وكإن أنا اخر من يعلم بالموضوع بس طلع يونس كان مظبط كل حاجه، في يوم وليله وافقت على يونس وفيوم وليله برضو الشقه خلصت والفستان وكل شيء جهز كل حاجه جهزت وأنا مش مصدقه إن كل ده حصل فعلاً.
اتكتب الكتاب وكان عمي وكيلي، المأذون قال كلمته الشهيرة"بارك الله لكما وبارك عليكما وجمع بينكما في خير" لقيت يونس من وسط الكل شدني لحضڼه بطريقه تخض، أنا اتخضيت ولكن خضه حلوه اوي، كنت أول مره أحس بمعنى حضن يونس، كنت حاسه اني رجعت عيله صغيره من تاني وكنت ف حض1ن بابا، حضڼه حنين لدرجه متتوصفش بجد.
_مبسوطه يا يارا؟
="همست بكل الحب اللي فقلبي ليه" بحبك يا يونس.
صوت ام كلثوم في الخلفيه"
يا حبيب أمبارح وحبيب دلوقتي، وحبيبي لبكره ولاخر وقتي