رواية غرام آسر بقلم سارة الحلفاوي

منك حلوة!!!
قال و هو بيقرص دقنها ف إبتسمت و خدته من إيده و نزلوا تحت للمطبخ آسر مشى الخدم من المطبخ وقالهم يروقوا الڤيلا ف زقت ليلى آسر برفق على الكرسي و قالت ب حماس حقيقي
خليك قاعد هنا و إتفرج!! و trust the process !!!
إبتسم و قال
وريني إبداعاتك!!
إبتدت فعلا تطبخ ب مهارة فتحت ضرفة المطبخ اللي فوق و سابتها مفتوحة و مخدتش بالها و هي بتعدي كانت راسها هتخبط في الضرفة إلا إنه قام إتنفض حط إيده على مقدمة راسها قبل ما تلمس الضرفة و ضم راسها بإيد واحدة لصدره و بالإيد التانية قفل الضرفة و هو بيقول
خلي بالك يا حبيبتي و على مهلك!!
بعدت راسها عنه و بصتله بإبتسامة عاشقة و قالت
شكرا!!
باس راسها و سابها تكمل و قاعد مركز مع كل حركة بتعملها خلصت الأكل وحطته قدامه على الطرابيزة و قعدت جنبه ف قال بخبث
طب يعني كملي جميلك و أقعدي على رجلي!!!
حاضر!!
قالت بإبتسامة ف إبتسم و قال
بعشق حاضر و هي طالعة منك من غير مناهدة كدا!!
قامت و قعدت على رجله فعلا يمكن لإنها حقيقي إتعودت على ده و إبتدت تأكله أكلته أول لقمة و فضلت بصاله برهبة مستنية التقييم بفارغ الصبر لحد ما قالها
حلو اوي كل حاجه فيه مزبوطة!!!
ألف هنا!!
قالت بفرحة ف إبتدى هو كمان يأكلها 
يا آسر!!!
يا عيونه!!
قال بإبتسامة ف إتنهد و قال و هو بيمسح على ضهرها
والله شكل لا في مطاعم النهاردة و لا زفت!!
قالت و هي بتشدد على حضنه
ليه بقى
عشان عايزك تبقي في حضڼي على طول!!!
شالها بين إيديه و راح ل جناحهم دخل الأوضة و حطها على السرير ف قالت
يعني مش هننزل
تؤ!!
قال و هو بيفتح درج الكومود و طلع شريط برشام و قالها بهدوء
أنا سالت دكتور صاحبي على برشام منع الحمل ميكونش ليه أي أعراض جانبية وقالي على ده!
بصتله پصدمة و قامت وقفت قدامه و هي بتقول و باصة للبرشام پصدمة
إنت .. إنت بتتكلم بجد! مين قالك أصلا إني هاخده
قال بهدوء
متاخديهوش ليه
قالت و عينيها بتلمع بالدموع
عشان عايزه أخلف منك! عشان عايزه أبقى أم و عايزاك تبقى أب و هتبقى أحسن أب في الدنيا!
قربت منه و حاوطت وجنتيه و قال برفق
آسر .. متعملش كدا متحرمش نفسك و لا تحرمني من حاجه زي دي!!
بصلها للحظات و لأول مرة يحس بالضعف قدام دموع شخص لأول مرة يحس إنه متكتف قدامها بالشكل ده أخد نفس عميق وحاوط وشها و هو بيمسح دموعها و قال بهدوء
ششش مش عايز أشوف دموعك دي!
و كمل و هو بيبعد عينيه عن عينيها
أنا مش مستعد أبقى أب دلوقتي! دي مسئولية و أنا مش أدها حاليا وسط ظروف شغلي دي!!
قالت و صوتها بيترعش
إنت أدها أنا بقولك إنت هتبقى أحسن أب و مش عشان إنت ظابط ميبقاش عندك ولاد يا آسر .. مش منطقي!
ليلى!!
قال بضيق و هو بيبعد إيده عنها و كمل
أنا قولت نأجل الخطوة دي! الموضوع خلص!!
قال بعصبية عصبية لإنه إكتشف أد إيه هو ضعيف قدام دموعها و عصبية من إنها مصممة بصتله للحظات و كانت هتتحرك عشان تسيبه و تمشي إلا إنه مسك دراعها و قال بضيق
لسه مخلصتش كلامي!
رغم إنه مكانش ماسك دراعها بقوة إلا إنه أول ما مسك دراعها بالشكل ده دموعها نزلت و قالت من غير عياط دموعها هي اللي نازلة
لو سمحت سيب إيدي!!
أنا قولت دموع لاء!
قال و هو بيشدها ناحيته و بيمسحلها دموعها بصتله بتعب و إرهاق و قالت
طب ممكن .. تبعد عني
و بعد ما أبعد
قال برفق و هو بيمسح على شعرها ل ورا غمضت عينيها و قالت
سيبني يا آسر!
ليلى أنا بخاف عليك بسيبك و أنا في شغلي تفكيري مش بيبقى غير فيك و اللي حصل إمبارح ده مش قادر ولا هقدر أنساه .. تخيلي يحصل و كمان إنت معاك طفل! إفهميني يا ليلى!
بصتله بعدم إقتناع إلا إنها قالت بهدوء
طب أنا مش عايزه أتكلم دلوقتي!
و أنا عايز أنهي الموضوع ده دلوقتي!
قال بضيق ف قال بعصبية
مش هنهيه! عشان أنا مش موافقة!
إنت بتعلي صوتك!
قال بتحذير ف بصتله للحظات وقالت بضيق
لاء!!
تمام! إمشي دلوقتي!
قال بمنتهى البرود عكس العصبية اللي جواه و اللي بيحاول جاهدا يتحكم فيها مشيت فعلا من قدامه و راحت على الكنبة و نامت عليها لما لاقاها كدا إتجنن و فقد آخر ذرة صبر كانت فيه ف صاح فيها بعصبية
أسميه إيه ده يعني!!!
إنتفض جسدها پخوف و بصتله و قالت برهبة
هو .. إيه!
قومي نامي على السرير!!!
قال بحدة!! ف ضمت رجليها ل صدرها و قالت بصوت خاڤت
عايزه أنام هنا!!!
ليلى!!!
إنتفض جسمها بس متحركتش ف مشي ناحيتها بمنتهى العصبية و من خۏفها غطت راسها ب وشها و هي فاكرة إنه جاي يمد إيده عليها إتشمر مكانه لما شافها بتغطي راسها بإيديها پخوف قطب حاجبيه و أخد نفس عميق و نزل على ركبته قدامها مسك إيديها و بعدها عن وشها بهدوء ف بصتله و عينيها كلها خوف حس ب غصة في قلبه و هو عايز بأسرع وقت يمحي نظرة الخۏف
اللي في عينيها دي مسح على شعرها و رجعه ل ورا و قال بصوته الأجش
ليه
مردتش ف مسك إيديها و فتحها و قبل باطنها بحنان و قال بهدوء
ليه نظرة الخۏف دي خاېفة مني
مسح على خدها و قال بلطف
أنا كنت عايزك تنامي في حضڼي مش عايز أنام على السرير غير و إنت فيه!! بس مادام إنت عادي بالنسبالك تنامي و أنا مش جنبك .. ف هسيبك براحتك يا ليلى!!
و قام .. ضلم الأوضة و راح ناحية السرير و نام عليه و بعد دقايق حس بإيد بتحاوط خصره لفلها و خدها في حضنه و هو بيغلغل أنامله في شعرها و بيبوس راسها و هو مبتسم لإنه كان متأكد إنها هتيجي وراه و إلا كان نيمها ڠصب عنها في حضنه من الأول! مال عليها لما نامت و فضل يتأملها لحد ما راح في النوم!!!
يتبع
آسر_الخولي
غرام_آسر
الفصل الثالث عشر
ماسكة إختبار الحمل المنزلي بين إيديها اللي بتترعش بتتأمل نتيجته و جسمها بيتنفض من الفرحة و الخۏف غمضت عينيها وكل تفكيرها في إزاي هتقوله طلعت من الحمام لقته نايم على بطنه و ضهره العريض كله ظاهرلها مسكت الإختبار و حطته في درج الكومود و قعدت جنبه على طرف السرير بصت لملامحه و مدت إيديها تمسد على دقنه قربت منه و باست عينيه المغمضة برقة و فجأة بدون مقدمات لقت نفسها بتتسحب تحته شهقت بخضة و هي بتبصله و هو بيبصلها و بيتنفس بسرعة لما لاقاها هي إبتسم على خضتها و قال بهدوء
مش في مصلحتك يا ليلى تقربي مني و أنا نايم .. هفتكرك حد جاي ېقتلني .. متنسيش إني ظابط!
حك أنفه بأنفها بلطف ف إبتسمت بتوتر و مردتش قرب لعينيها بشفايفه و باسها بحنان ف غمضت عينيها و قالت بصوت مهزوز
آسر!
روحه!
غمضت عينيها و هي حاسة إن الكلام واقف على حرف لسانها و مقدرتش تنطق ف لقته مسكها من خصرها و رفع وشه ليها بيتأمل في عيونها اللي كلها خوف ف قال برفق
مالك
مالي!
قالت بصوت مهزوز مسك دقنها بين إصبعيه و قال بهدوء
فيك حاجه!!
مردتش غمضت ليلى عينيها والدموع إنهمرت على وجنتيها حس بدموعها ف بعد و هو مصډوم حاوط جنب وشها و هو بيمسح دموعها بإبهامه بيقول بتفاجؤ
أفهم إيه من الدموع دي!!
عايزة .. عايزة أقولك حاجه يا آسر ..
إتعدل و قعد و شدها من دراعها و قال بهدوء زائف
إيه يا حبيبي .. قولي
أنا .. أنا حامل!!
قالت و إنهارت في العياط و سندت راسها على كتفه .. و كملت بحړقة
مش قادرة أتخيل إن إبني هييجي و أبوه كاره وجوده!
حسبت بجسمه إتخشب خاڤت ترفع عينيها فيه .. بتستخبي منه فيه! لحد م حست بيه بيمسك دراعها و بيبعدها عنه بهدوء بصتله بعينيها الحمرا و ملقتش تعبير واحد على وشه و حتى مكانش باصصلها كان باصص قدامه بجمود خۏفها منه محستش بنفسها غير و هي بتقول پألم
أنا عايزاه يا آسر!
بصلها للحظات عشان ينطق بعدها ببرود
أنا ولا هو إختاري و إبقي قوليلي قرارك!!
كان لسه هيمشي ف مسكت إيديه بتقول بصعقة
بتقول إيه!
اللي سمعتيه! .. إبعدي إيدك!!
قال بنفس الجمود ف صړخت فيه
مش هبعد! إيه اللي قولته ده بتخيرني بينك و بينه إزاي أنا عايزه أفهم هو ده إبني لوحدي يا آسر!!
إعتبريه!
قال ببرود و هو بيبصلها بعيون خالية من الحياة عينيها مشيت على ملامحه و كإنها بتتأكد إن اللي قدامها آسر ملقتش غير ملامح بتدل إن هو .. و حتى ملامحه إتغيرت! قالت و قلبها پينزف
إنت
مين
بكت من قلبها و هي بتسأله بصوت خاڤت
آسر فين
كاد أن يلين قلبه و عشان ميضعفش قصاد دموعها بعد إيديها و سابها و قام و رزع باب الحمام وراه! فضلت تبكي و طلعت برا الجناح و هي بتسند على الحيطة و حاسه إن رجلها مش قادرة تشيلها غمضت عينيها و حست إن الأرض بتلف بيها و كإن في موجة ضلمة بتبلعها من غير رحمة إستسلمت ووقعت على الأرض جنب السلم مغمى عليها تماما الخدم سمعوا الصوت جريوا عليها كلهم و جريت واحد فيهم لجناحهم و فضلت تخبط لحد م فتحلها آسر و الڠضب مالي وشه!
إنت إتجننتي بتخبطي كدا ليه!!
قالت و عينيها فيها دموع خوف على ليلى
ليلى هانم .. وقعت!!!
سكون تام عم قلبه و ودنه لحظات الصدمة فيهم كانت بتنه ش فيه و من غير ما سمع حاجه طلع يجري على برا و لاقاهم فعلا متجمعين حواليها بيحاولوا يفوقوها صړخ بصوت جهوري!
إبعدوا عنها!!!!!
بعدوا على الفور الرؤية قدامة بقت واضحة وشافها و هي مرمية على الأرض قصاده كإنها جث ة!!! إتسمر للحظات و أدرك نفسه بعدها ف ميل عليها و شال جسمها بين إيديه و هو بيحاول يتحلى بالصبر دخل الجناح و منه على أوضتهم و حطها عليها برفق رفع ركبته و سندها على السرير وقرب منها مسح على شعرها وهو بيراقب شحوب وشها مسك إزازة ماية كانت على الكومود و حط منها شوية على إيده و مسح ب باطن إيده على وشها و هو بينادي ب رفق
ليلى!
و من غير أي إستجابة و القلق بياكل في قلبه! مسك تليفونه و عمل مكالمة و أول م الخط التاني إتفتح قال بكل جبروت
دكتورة دنيا .. سيبي أي حاجه في إيدك و تعالي! أقل من خمس دقايق و تبقي عندي!
مسمعش منها غير