رواية جميلة والشعر الأبيض الجزء الخامس بقلم رحاب القاضي

اشوف الصوره صح..
عمار
وهي ايه بقي الصوره الصح دي اللي انا كمان مش شايفها..
جميله دموعها نزلت وردت عليه
انك مش بتحبني وبتتسلي بيا و..
كمل عمار كلامها وقال
ولو كنت عايز اتجوز بجد كنت اتجوزت من زمان واتجوزت بنت احلي واجمل منك مانا حواليا كتير مش ده اللي قالته امك واللي دماغك الغبيه دي صدقته..
جميله مسحت دموعها وقالت
هو في حاجه غير كده اصلا...
مسك ايدها وقال بهدوء
ايوه يا بهيمه يا غبيه في في اني بحبك..
جميله بعدت عنه وقالت بسخريه
بالله عليك بتحب فيا ايه انا لو كانت فيا حاجه تتحب كان غيرك حبني..
عمار پحده
غيري ده اللي هو مين ان شاء الله..
جميله
مش قصدي بس هو اللي اي حد..
عمار بهدوء
لا هو من ناحية فيكي ايه يتحب فيكي كتير ولو قولته دلوقتي هيبقي عيب وحرام..
اتكسفت جميله وردت عليه
احترم نفسك وامشي لو سمحت..
عمار بهدوء
مش لازم تبقي اجمل واحلي واحده في العالم عشان احبك انتي اللي تستاهلي الاحسن مني علي فكره وانا اللي كنت شايفك كتيره عليا والله..
بصتله بحزن وهو كمل كلامه وقال
حاولت ابعد عنك كتير واقنع نفسي اني مش بحبك عشان خاېف عليكي مني بسبب فرق السن والشخصيات بس من غير اي ترتيب لقيتني بدوب فيكي..
_ ابتسمت بتلقائيه وبصت للارض بتوتر وهو مسك ايديها الاتنين بين ايديه وقالها..
عمار
بلاش تخلي اي حد يخليكي تقللي من نفسك انتي اجمل واحلي بنت في نظري ومحظوظ جدا عشان هتبقي ليا..
جميله بدموع
انا مش عايزاك تبعد عني بس...
عمار بجديه قاطعها وقال
انا مش هبعد يا جميله وهقف في وش الدنيا كلها عشانك بس انتي عايزه تكوني معايا ولا لا..
ابتسمت وردت عليه
ايوه عايزه اكون معاكوبحبك يا عمار ومستحيل احب حد زيك ابدا..
باس ايديها بهدوء وقالها
وانا مش هخلي اي حاجه تبعدك عني يا جميله استني هنا دقيقه وجااي..
جميله بعدم فهم
انت رايح فين..
عمار وهو طالع من العماره
يا بت اصبري..
_ وطلع عمار وهي فضلت واقفه شويه مستنيااه وهو رجع بعد شويه ومعاه كيس صغير وادهولها وقال..
عمار
جيبتلك شوكلاته يلا اطلعي..
ضحكت جميله بهدوء وقالت
كنت واخده موقف منك ما اعرفش راح فين فلما تلاقيه قوله كنسل جميله اليومين دول اشطا يا اسطا...
ضحك عمار ورد عليها
من غير ما تقولي هتيجي الشغل..
جميله بقلق
لا مش هينفع لان ماما قالتلي ابعد عنك خالص خالص..
عمار بجديه
طيب اطلعي انتي وما تشغليش بالك انا هتصرف وتشيلي البلوك عشان ما اشيلش دماغك دي من مكانها فاهمه..
جميله بهدوء
حاضر يلا بااي...
_ طلعت جميله فوق واول ما دخلت شقتهم لقيت فريده في وشها وقالتلها..
فريده
كنتي فين..
جميله بقلق
كك كنت تحت مع شهد..
فريده
لا والله تعالي يا شهد ياللي جيتي تسألي عليها..
_طلعت شهد من المطبخ ووقفت جنب جميله وقالت بصوت واطي...
شهد
انتي كنتي فين ياللي تنشلي عجبك المنظر اللي احنا فيه ده..
جميله بصوت واطي
عموري كان تحت وصالحني وجابلي شوكلاته وقالي هيقنع ماما..
فريده پحده
بطلي همس منك ليها وانتي يا ست هانم بتكدبي عليا انطقي كنتي فين ومع مين..
خاڤت جميله وشهد قالت بسرعه
ااا هي راحت تجيب شوكلاته للولاد من تحت وجات بسرعه صح يا جميله..
جميله
اا ايوه صح يا ماما اهو الشوكلاته حتي..
بصتلهم فريده بشك وشهد قالت بهروب
انا طيب يا طنط هاخد جميله تختار معايا الهدوم اللي هروح اقدم بيها علي الشغل الجديد بعد اذنك..
_ وراحت فعلا هي وجميله في شقة شهد وفضلو قاعدين مع بعض وكانت جميله مبسوطه علي عكس الاول فعمار دائما قادر علي اعادة ثقتها بنفسها 
بقلم_الكاتبه_رحاب_القاضي 
_ وفي بيت مجدي..
كانت جهاد واقفه بټعيط قدام مجدي وشيماء اللي قالت بعصبيه..
شيماء
انتي فاكره انك ممكن تاخدي فلوسنا يا بت انتي لو كانت امك زمان ضحكت علي ابويا واخدته مننا ومن امي فاحنا مش هنسمحلك تعملي زي ما هي عملت وتاخدي فلوسنا..
جهاد پبكاء
انا لا عايزاكم ولا عايزه فلوسكم بس سيبوني في حالي..
مجدي پحده
بطلي الشويتين دول يا بت انتي عشان ما اقومش اطلع الغل اللي جوايا فيكي...
وبص لشيماء وقال
شوفي كده شنطتها دي فيها ايه..
_ مسكت منها شيماء شنطتها وفتحتها ومالقتش فيها حاجه بس مسكت صور جنينها وقالت وهي بتبصلها بقرف..
شيماء
ايه ده يا ست المحترمه مش تقوليلنا وتفرحينا وياتارا ولد ولا بنت..
جهاد بضيق
هاتيها لو سمحتي..
رمت شيماء الصوره علي الارض وقالت بسخريه
لو سمحتي ايه وزفت ايه انتي هتفضحينا انت قاعد تتفرج عليها يا مجدي انا مش طايقه اشوفها قدامي كلها شكل العقربه امها انا لو اطول اخنقها واموتها بأيدي هعمل كده..
جهاد پخوف
والله العظيم انا ما قربتش منكم ولا عايزه منكم حاجه ولو كانت ماما اذيتكم زمان انا ذنبي ايه تعملو فيا كده...
_ قام مجدي وقرب منها وهي خاڤت ورجعت لورا كذا خطوه بس هو قال بهدوء..
مجدي
ما تخافيش يا جهاد انتي اختي برضو وانا مش هعملك حاجه وحشه بس قوليلي مين المحامي اللي انتي عامله عنده التوكيل عشان نلم الموضوع قبل ما يبقي قانوني...
جهاد پخوف
والله العظيم ما اعرف انت بتتكلم علي ايه..
مسكها من دراعها جامد وقال
يبقي هتفضلي هنا اقل حتي من الشغالين واللي في بطنك ده هينزل وهوريكي النجوم في عز الضهر اختي بقي وبربيها ومش هتطولي مني قرش واحد..
_ وسحبها من دراعها وفتح اوضه في زاويه جنب المطبخ ورماها بكل قسوه فيها وقفل الباب وبص لقي اسراء مراته واقفه ومعاها ابنها الصغير.
مجدي پحده
نعم في ايه..
اسراء
انت ايه اللي بتعمله ده طلع البنت يا مجدي..
مجدي پحده
وانتي مال اهلك خدي ابنك واطلعي فوق. 
اسراء پحده
انت ايه يا بني ادم لما ولادك يشفوك بتعمل كده في اختك هيحبو بعض ازاي لو سمحت سيبني انا اطلعها واخدها معايا فوق..
مجدي زعق فيها وقال
بقولك ايه يا كتوره جو علم النفس بتاعك ده تخليه في الجامعه بتاعتك واطلعي فوق بدل ما تبقي ليلتك سودا يا اسراء..
شيماء پحده
اطلعي براها يا مرات اخويا انتي ما تعرفيش حاجه..
اسراء بضيق
ماشي يا شيماء هطلع منها بس افتكري ان عندك بنت مريضه فبلاش تظلمي وتفتري عشان ربنا ما يعاقبكش فيها..
_ قالت كلامها وسابتهم وطلعت فوق فعلا وبعد شويه قامت شيماء من جنب مجدي وقالتله..
شيماء
ماشي اتفقنا انا بكره عندي جلسه مع بنتي هخلص واجي نشوف بقي هنعمل فيها ايه وابقي صالح مراتك ما تخليش البت دي تخربلنا حياتنا زي امها ما عملت زمان..
_ قبل ما يرد عليها دخل الحارس وهو شبه بيجري وقال ...
الحارس
يا مجدي بيه في واحد بره عايز يدخل وشكله كده مش تمام...
قام مجدي وقال بقلق
واحد. مين ده..
دخل زكريا في الوقت ده وقال بجمود
انا زكريا المنشاوي اكيد تعرفني..
مجدي بهدوء
اهلا وسهلا بحضرتك خير ان شاء الله..
زكريا
فين جهاد...
بص مجدي وشيماء لبعض ورد عليه مجدي وقال
وانت تعرف جهاد منين..
زكريا پحده
ما يخصكش وسؤالي واضح جهاد فين..
شيماء پغضب
جهاد اختنا ومعانا انت تطلع مين عشان تسأل عليها لتكون الواد اللي ماشيه معاه وحامل منه في الحړام..
ابتسم زكريا ببرود وقال
ايوه انا يا مدام هي فين بقي..
مجدي بقلق
اختي في الحفظ والصون وهي مش عايزه تشوف حد لو سمحت امشي بقي..
زكريا
قالولي انكم ما بتجوش بالذوق بس انا اللي ما صدقتش..
طلع سلاحھ وحطه في وش مجدي وقال پغضب
جهاد فين ياااه..
شيماء بغيظ
انت كمان بترفع سلاحک علينا في بيتنا ده انت يومك مش معدي علي خير انا هكلم الشرطه وو..
قاطعها زكريا وقال ببرود
وكلمي معاها الاسعاف عشان تيجي تاخد چثة اخوكي بالمره..
مجدي پحده
انت مين اصلا عشان تيجي وعايز تاخد اختي واسكتلك..
زكريا بسخريه
لا صدقت انك شهم بلاش الدور ده انتو الرجوله ما عدتش علي عيلتكم حتي لو بالغلط..
نزلت اسراء مرات مجدي بسرعه وقالت
لو سمحت بلاش مشاكل البيت فيه اطفال جهاد في الاوضه اللي وراك اللي جنب المطبخ دي..
بصلها مجدي پغضب وهي قالت پحده
يخلص الفلم ده وهاخد ولادي وهمشي وشالله تقلب البيت مجزره بس بعيد عننا..
زكريا پحده
بقولك ايه يااه انت عارف كويس مين هو زكريا المنشاوي ولو مش عارف اسأل وهتعرف فبلاش تعمل حاجه ما تعجبنيش ولا تقرب من جهاد اصلا عشان تخصني وانتو مالكوش فيها حاجه...
_ قال كلامه وراح فتح الاوضه اللي فيها جهاد وهي اول ما الباب اتفتح اتنفضت پخوف ليكون مجدي بس لما شافت زكريا اتنهدت بأرتياح وبرغم كل اللي حصل منه الا انه بقي امان ليها اكتر من اخواتها اللي من ډمها..
قرب منها وقال بهدوء
ليله واحده معاكي قلبت حياتي وخلتني اتشحطت وراكي كده قومي يلا..
بصتله جهاد بقلق وهو ابتسم بهدوء وقالها
ما تخافيش انا مش هخليهم يعملولك حاجه يلا تعالي معايا...
_قامت جهاد معاه وطلعو بره وكانت نظرات مجدي وشيماء ليها مرعبه من كتر الغل اللي جواهم ليهت...
ابتسم زكريا بسخريه وقال لجهاد
هو انتي كنتي بتاكلي منابهم وامتي صغيره ولا ايه..
_ وقبل ما تمشي مع زكريا بصتلهم وقالت بحزن ونبره متألمه..
جهاد بدموع
انتو خلتوني اتحامي في الغريب منكم يا اخواتي..
_بصلها زكريا بتأثر وبحركه جريئه منه لف دراعه علي كتفها وخدها في حضنه بهدوء تحت صډمتها وتوترهة من قربه وقال بخبث..
زكريا
اسمك مجدي مش كده طيب احفظ بقي الكلمتين دول وحفظهم لاخواتك زكريا المنشاوي هيعرف يرجع حق مراته كويس..
_زادت صډمتها من كلامه وقبل ما حد ياخد باله من صډمتها اخدها ومشيو وشيماء قالت لمجدي بقلق..
شيماء
يطلع مين الولد ده وانت ليه خاېف منه كده..
مجدي پصدمه
ازاي ده ابن المنشاوي دول من اغني اغنيااء مصر وبأشاره منهم انزل الارض اختك وقعت عليه منين ده..
شيماء بغيظ
وبنت الطماعه مش مكفيها اللي مع جوزها جايه وباصه للحاجه الوحيده اللي خدناها من ابونا اخدت هي الدلع والحنيه كلها وعايز يديها باقي حقنا انا بكرهه ربنا ما يريحه في تربته ابدا..
_كان مجدي قاعد مدايق واسراء بصتلهم بحزن وقالت...
اسراء
انا ماشيه عند بيت اهلي يا مجدي مستحيل اقعد معاكم وانتو كده..
رد عليها پحده وقال
في ستين داهيه ما تمشي...
_سابته اسراء ومشيت وفي عربية زكريا كانت جهاد قاعده جنبيه ومستنياه يتكلم ويفهمها هو كان يقصد ايه بكلامه قدام اخواتها..
_واستغربت لما وقف هو بعربيته قدام بيت ما تعرفوش وقالها تنزل..
جهاد
انزل فين هو ايه المكان ده..
زكريا بجمود
في الدور التالت في مكتب مأذون شرعي هتجوزك زي ما طلبتي..
جهاد بقلق
ما انت كنت رافض ليه دلوقتي وافقت..
سكت زكريا شويه ورد عليها بجمود
انزلي يلا...
جهاد بدموع
برغم انك الوحيد اللي بتحميني وبطمنله بس قلبي مقبوض من ناحيتك مش عارفه اديك الامان انا طلبت منك نتجوز بس دلوقتي مش عارفه اثق فيك..
نزلت دموعها وكملت پبكاء
انا مش عارفه اثق في حد اصلا..
زكريا بهدوء
اول ما تولدي هطلقك وهكون كتبته بأسمي وامنتلكم حياه كويسه اظن كده هبقي عملت اللي عليا وزياده..
ونزل من عربيته وفتحلها الباب وقال
يلا عشان نخلص بسرعه واروحك بيتي..
نزلت جهاد بقلق
بيتك ازاي يعني..
قفل زكريا باب العربيه وقالها