رواية جميلة والشعر الأبيض الجزء الثالث بقلم رحاب القاضي
بيشتغل معاهم في شغله اللي اختاره بنفسه بس بدون نفس راضيه..
زكريا
يلا زي ما اتفقنا انتو كلكم هتروحو قدام عايز في لحظه واحده تلفتو نظر الكل ليكم وانت يا منهم هتفضل هنا..
منعم
طيب ما ادخل معاك و..
زكريا
وانا من امتي باخد حد معايا جوه نفذو يلا..
_ وفعلا راحو رجالة زكريا قدام بيت المنشاوي وعملو مشكله كبيره مع الحراس بتوع عمار وفعلا الكل اتجمع عندهم وزكريا بسرعه بمساعدة منعم نط من علي السور ودخل بيت اخوه اللي كان بيته من سنين وهو دلوقتي بيدخله زي الحراميه.
_ وقف وبص للبيت بدموع متحجره وبعدين اتحرك في البيت بكل هدوء ودخل من الباب الخلفي للفيلا وطلع فوق من سلم الشغالين وراح لاوضة مروان وكان النور مقفول واټصدم اول ما فتحه لما لقي عمار قاعد علي الكنبه وحاطط رجل علي رجل ومبتسم بهدوء وقاله..
عمار
اتأخرت ليه كده يا زيكو..
زكريا پغضب
ابوك اللي قالك مش كده وانا عند وعدي ليه..
_وطلع مسدسه ووجهه علي عمار اللي وقف قدامه وقاله پحده...
عمار
لو راجل اعملها بس الاول خليني اقولك مين اللي قالي انك جاي لان مش ابوك اللي قالي..
_بصله زكريا بفضول من غير ما يتكلم ودخل فجأه من البلكونه يونس ومعاه يوسف ويونس بص لزكريا المصډوم بشماته وقاله..
يونس
فكرني اجيب بيت جنبك هنا يا عمار بيه بعد ما اخد الصفقه ان شاء الله..
نزل زكريا سلاحھ وقال پغضب
ايه ده..
ضحك عمار بسخريه وقاله
هههههه هتفضل طول عمرك فاشل حتي انك تعمل دور الشرير انت فاشل فيه..
يوسف بهدوء
انت غلطان يا زكريا انا ما عنديش مشكله ابقي نمبر تو مدام اخويا الاول وحتي لو كان حصل و يونس باعني بجد وهو صاحبي مش اخويا انا عمري ما كنت هبيعه ولا احط ايدي في ايد عدوه لان دي اسمها واطينه وقلة اصل..
يونس بجديه
اخوك عرض عليا اعمل عليك الحوار ده مقابل الصفقه وانا رسمت الخطه بالظبط وخليتك تقع فيها وخليتك مضيت علي عقد عمل فعلا بس لعمار بيه مش ليا وكل حاجه فيه قانونيه من غير ما تسقف عارف ان الخطه عجبتك المهم انا دوري خلص كده يا عمار بيه..
ابتسم عمار ليونس وقاله
شكرا يا يونس واعتبر الصفقه ليك واي شغل يقف معاك انا في ضهرك..
_ابتسم يونس بانتصار ان اللي كان عايزه في البدايه وهو الوصول لعمار والشغل معاه تم زي ما كان عايز وافتكر اللي حصل يوم ما اټخانق مع عمار في بس بالليل في اوتيل خاص من بتوع عمار....
_فلاااش بااااك..
يونس
وانت هتستفاد ايه اني اضحك علي اخوك واخليه يحط ايده في ايدي...
يوسف
اظن احنا عايزين منك شغل مش جايين محل مشكله شخصيه..
عمار بضيق
انا اكتر حاجه خلتني اطلب منكم حاجه زي دي انكم ولاد بلد ورجاله ووقفتكم مع بعض وانكم ايد واحده..
تابع بنبره حزينه
كنت انا واخويا زي كده وحصل خلاف كبير بينا وهو اتجه لسكه بتضيعه وانا عايز ارجعه تاني ايده في ايدي..
يونس
موافق بس انت عايز ايه بالظبط..
طلع عمار ورقه من الملف اللي قدامه
زكريا يمضي علي العقد ده وانه ما يشتغلش عند اي حد غيري بس طبعا من غير ما يعرف ازاي بقي بتاعتكم عملتو كده الصفقه كلها ليكم بالمشروع اللي انتو عايزينه وبتوصيه مني كمان..
مسك يونس العقد وقال
اعتبره اتمضي واخوك بقي تحت امرك..
يوسف
مدام نية حضرتك خير احنا معاك وانت زي ما قولت احنا ولاد بلد ورجاله اووي..
_ باااااااااااااك
_ مشي يونس هو ويوسف وفضل عمار واقف قدام زكريا اللي لحد دلوقتي ما نطقش بولا كلمه وعمار قاله بجمود...
عمار
مهما عملت هتفضل غبي كنت عايز تبقي مدير معايا ازاي وانت غبي..
زكريا بدموع متحجره
ليه مصمم تكسرني ليه مصمم تخليني كده..
عمار بسخريه
بطل بقي تعيش دور الضحيه كفايه لعبت الدور ده كتير سړقت وضړبت وقټلت وانت برضو لسه عايش الدور ده ايه ما بتزهقش..
زكريا بحزن
انت عايز ايه لو فاكر ان الورقه اللي في ايدك دي هترجعني تحت امرك تاني وابقالك كلب اقول حاضر ونعم يبقي بتحلم يا عمار.
عمار پغضب
هو انا عملتلك ايه للكره ده كله مشكله تافهه بينا كانت هتتحل عادي ليه كبرتها ووصلتنا للنقطه دي..
زكريا پحده
ما كنتش مشكله تافهه انك تهيني وتقل مني قدام كل موظفينك وتزلني عشان انت المدير ما كانتش مشكله تافهه..
عمار
وانت عملت ايه وقتها كنت هتدمر كل حاجه وكنت عايز تاخد حق مش حقك...
زكريا
لا لا بلاش جو قلب الترابيزه ده انا عمري ما فكرت ابقي مدير معاك الا بعد ما الشركه كانت هتافلس واللي انت عملته فيا كنت عايزك تردلي كرامتي قدام الناس بس انت دوست عليا اكتر يا اخي غلطت وكنت بدور معاك علي حل انت عملت ايه شتمت وزعقت والمره الوحيده اللي عملت فيها مدير كانت عليا انا حتي مش بيني وبينك لا قدام امة لا اله الا الله فاكر وقتها قولتلي ايه..
عمار بضيق
انا كنت خاېف لنخسر كل حاجه وكنت اا..
زكريا دموعه نزلت وقال بحزن
قولتلي انت فاشل يا زكريا انت خربتلي كل شغلي انت مالكش حاجه هنا انا مخليك معايا عشان ابويا انت مش هتنفع في حاجه دي شركتي انا ودي فلوسي انا انت هنا اقل واحد ويا تقعد اقل واحد ومالكش اي قيمه يا تمشي..
زعق فيه وقال
قدام الكل اخويا قال كدا خلي الناس تقول عشان هو ابن الست الفقيره عايز ېخرب اخوه ابن العز مع انك اخويا او كنت اخويا وقتها..
مسح دموعه بضهر ايده وقال
انا بكرهك يا عمار في اليوم ده كرهتك في اول مره اشتغلت فيها حرامي وقطاع طرق كرهتك في اول مره ضړبت واحد وعورته كرهتك في كل مره پقتل فيها حد من غير ذنب كرهتك في كل ليليه بصحي فيها من نومي وانا خاېف كرهتك..
عمار بسخريه
بتعلق غلطك عليا ليه هو انا اللي قولتلك تبقي كده..
زكريا
ايوه انا بعمل كل ده عشان اوصل وابقي اغني واحسن وانجح منك. عشان اثبت لكل اللي كسفتني قدامهم اني مش فاشل ومش عشان امي فقيره يبقي عمري ما هبقي ناجح زيك..
عمار
كنت جيت وبدأنا من الاول..
زكريا
ما انا جيتلك كنت عايزني موظف عندك وبس بس انا هفضل زي ما انا وعارف اخرتها ايه اني ھموت ما انا متعلم برضو وعارف ان من قتل ېقتل بس قبل ما ده يحصل هنزلك لسابع ارض وهاخد حق كل لحظه عشتها فۏجع بسببك..
قال كلامه وسابه ومشي بس عمار قاله
انت مش ھتتقتل اخوك في ضهرك ولو حكمت اموت مكانك وانت تعيش هعمل كده..
زكريا بصله بحزن وقال
انا ماليش اخوات.
_ مشي زكريا وعمار قعد علي الكنبه اللي في اوضة ابنه وحط راسه بين ايديه واتنهد بضيق ومسك موبيله وقال لابوه اللي كان علي الخط وسامع كل حاجه..
عمار
ما فيش امل يا بابا زكريا ما فيش منه رجوع...
المنشاوي پبكاء
الله قادر علي كل شئ الله قادر علي كل شئ..
مروان اخد الموبيل من جده وقال
بابا جدو تعبان اووي انا جيت لقيته علي الارض اصلا..
عمار
هبعتلك دكتور بس انا مش هقدر اجيلك دلوقتي خليك انت معاه..
بقلم_الكاتبه_رحاب_القاضي
_ وبعد نص الليل تحت بيت شهد..
كان واقف يونس بعربيته وماسك موبيله ومتردد يكلمها او لا وفي الاخر شال الموبيل في جيبه ونزل من العربيه وطلع فووق وخبط علي باب الشقه بهدوء وجه صوتها من ورا الباب وهي بتقول..
شهد
مين..
يونس
انا يونس..
فتحت الباب وهي لابسه حجابها وقالتله
في ايه يا يونس ايه اللي جابك في وقت زي ده..
يونس بنظره كلها اشتياق
هتسبيني واقف علي الباب..
اتوترت وقالتله
اا صبري مع زهره في اسكندريه عند اهلها وما فيش غيري انا والولاد هنا وهما نايمين دلوقتي والوقت متأخر وما ينفعش تدخل..
يونس بجمود
انا عارف انهم مش هنا وعشان كده جيت..
شهد بقلق
ايه اللي انت بتقوله ده لو سمحت امشي يا يونس ما ينفعش كده..
ذقها بهدوء ودخل وقفل الباب وراه وقالها
هو ايه اللي ما ينفعش انتي اللي ما ينفعش تقولي ليونس لا يا شهد..
_ تفتكرو هيحصل ايه..
