رواية جميلة والشعر الأبيض الجزء الثالث بقلم رحاب القاضي

_ بعد ما يونس سمع كل اللي عملته مايا وبرغم غضبه منها الا انه ما ردش عليها ومشي ورجع بيته واول ما دخل البيت اتنهد بضيق وراح قعد علي الكنبه اللي كانت ديما بتحب تقعد عليها شهد وهي بتتفرج علي التلفزيون...
_بص للبيت كله والهدوء اللي بقي مالي كل مكان وكأن ما فيش حد ساكن في البيت علي عكس ما كانت هي وولاده هنا كان ديما بيكون في صوت ضحك وهزار او خناقات شهد معاهم...
قربت منه المربيه سعاد وقالت
حمد لله علي سلامة حضرتك يا يونس بيه..
ما ردش عليها يونس وهي قالت
انا اسفه بس اظن بعد اللي وصلنا وان شهد هانم مش هتيجي هنا تاني انا لازم امشي..
يونس بجمود
خدي الكل معاكي وامشو ومرتب الشهر كامل هيوصلكم بس مش عايز حد في البيت..
سعاد بحزن
تحت امر حضرتك.. بعد اذنك..
_ وفعلا بعد شويه الكل مشي وفضل هو قااعد لوحده طلع اوضته فوق ولاول مره يدخل اوضته ويبقي حزين بالشكل ده من لما عرف شهد وكانت حياته كلها سعيده معادا دلوقتي راح قعد علي السرير وافتكر موقف قديم حصل من سنين لما كانو ولاده لسه صغيرين وعمرهم شهور..
_فلاااش باااك...
_ كان هو نايم وشهد واقفه بيوسف اللي كان بيعيط وبتحاول تنيمه قعد يونس وزعق فيها وقالها..
يونس
هو ما فيش اي اعتبار للي نايم خالص..
شهد بتعب
اعمل ايه يعني يا يونس الولد بيسنن وتعبان وخاېفه اروح بيه اوضته يصحي يزن وانا ما صدقت انيم واحد فيهم..
يونس پحده
طيب انا عندي شغل الصبح وعايز انام اتصرفي..
شهد بدموع
يعني هو انا اللي الصبح بكون حاطه ايدي علي خدي ما بكون صاحيه معاهم والله انا بقالي يومين ما نمتش ساعتين علي بعض...
يونس پغضب
خلصنا يا شهد انا هغور في ستين داهيه من وشك ده بقيت عيشه تقرف..
شهد بحزن
لا خليك انا طالعه..
_ واخدت ابنها وطلعت وهو كان هينام بس موبيله رن برقم مايان فقاام بسرعه وقفل الباب كويس وفضل يتكلم معاها..
_ بااااك..
_رجع من ذكرياته ولمعت عيونه بالدموع ومش اي دموع فدموع الندم قاتله بص لصورته هو وشهد وولادهم اللي كانت متعلقه علي الحيطه وقال بحزن..
يونس
انا اسف انا كنت غبي وظلمتكم اووي معايا وما عرفتش احافظ عليكم...
_ ولم يكن الحال افضل عند شهد...
اللي كانت قااعده في البلكونه وبتقلب في صورها هي ويونس مع بعض ودموعها ماليه عيونها طلعت جميله في البلكونه بتاعتهم وقالت..
جميله
طيب لما حد بيتجوز بيقولو مبروك ولما حد بېموت بيقولو البقاء لله لما حد يطلق بقي بيتقاله ايه..
ابتسمت شهد وقالت
بيتقاله البقاء للاقوي...
ضحكت جميله وقالت
وانتي الاقوي علي فكره ولازم تكوني كده عشان ولادك واحد زي طليقك ده ما تعتمديش عليه في حاجه..
اتنهدت شهد بحزن وقالت
طليقي يونس بقي يتقال عليه طليقي..
_ قالت كلامها وفضلت ټعيط وجميله بصتلها بحزن وقالت..
جميله
انا اسفه والله العظيم ما اقصدش والله طيب خلاص بطلي ټعيطي..
_ بصت جميله حواليها بقلق وبعدين جابت الكرسي اللي في البلكونه ووقفت عليه ونطت عند شهد في البلكونه..
شهد پصدمه
انتي مجنونه صح احنا في الدور الرابع افرض وقعتي..
جميله
كنت ھموت عادي المهم ادخلي هاتيلنا لب او فاكهه او اي حاجه تسلينا لحد ما احملك حتت مسلسل تركي رومانسي هناخد عليه السهره..
شهد
لا استني بس انا لسه مش مستوعبه انتي عملتي ايه افرض وقعتي بجد او حد شافك..
جميله
استوعبي وانتي بتجيبي الحاجه وانا هحمل المسلسل من الواي فاي بتاع عمو محمود انا سارقه الباسورد بتاعهم..
ضحكت شهد وقالتلها
حاضر يا جميله دقيقه واحده وجايه..
طلعت في الوقت ده ايتن وقالت
انتو بتعملو ايه وانتي امتي روحتي عندهم خرجتي امتي اصلا..
شهد
اختك المجنونه نطت من علي البلكونه..
ايتن بحماس
استنو كده انا كمان جيالكم..
_ وعملت ايتن زي جميله وصحي يوسف ويزن علي صوتهم وفعلا حملو المسلسل وقعدو كلهم علي الارض في البلكونه وفضلو يتفرجو علي المسلسل لحد ما نامو...
بقلم_الكاتبه_رحاب_القاضي 
_ وتاني يوم الصبح في بيت عمار المنشاوي..
كان قااعد بيفطر هو ومروان اللي قاله..
مروان
عمي زكريا عازمني علي ماتش كوره في نادي كده كمان كام يوم..
عمار بضيق
براحتك..
مروان
بابا انا بعيد عن مشاكلكم انا بحب عمي زكريا ومستحيل اخسره زي ما مستحيل اخسر حضرتك ابدا..
عمار ابتسم وقاله
جدع يا مروان روحله وخليك بعيد عن مشاكلي معاه هو بيحبك اصلا اووي..
مروان
والله يا بابا هيرجع وهيبقي احسن من الاول..
عمار بحزن
ان شاء الله انا ما فيش حاجه تعبتني في حياتي غيره بس عشمي في ربنا كبير انه هيرجع المهم انا مسافر شرم الشيخ بس مش هطول وهكون هنا الصبح او الفجر..
مروان
تمام انا ممكن اروح ابات عند جدو..
عمار بهدوء
و ااا انا هاخد معايا جميله..
مروان بقلق
بابا بس جميله غير البنات بتوع زمان..
عمار ساب الاكل وقاله
استني كده وانت ايه اللي عرفك بالحاجات دي!..
ضحك مروان ببلاهه وقال
عمي زكريا كان بيحكيلي عشان ابقي صايع زيكم..
عمار ابتسم وقال
الله يخربيت زكريا وسنينه دي كانت شقاوه قديمه وبطلنا خلاص وجميله غير اي حد وقريب اووي من غير تقطيع هتبقي مرات ابوك..
مروان پصدمه
نعممم لا طبعا ده انا بالع انها اخت ايتن بالعافيه فتبقي مرات ابويا لا طبعا انا مش موافق وبعدين صغيره عليك يا حج..
عمار بغيظ
قوم يالا من وشي والله ما انت مكمل فطار قال حج قال..
قرب منه مروان وقاله
طيب هات رقم سماح انحراف وانا هوافق..
ضربه عمار علي قفاه وقاله
يالا يا ابن الجزمه يا واطي..
مشي مروان وهو بيضحك وعمار قال بغيظ
يخربيتك يا زكريا ده انت كنت بتقوله كل حاجه بجد....
بقلم_الكاتبه_رحاب_القاضي 
_ في بيت يونس..
صحي من النوم علي صوت خبط جااامد علي الباب وافتكر انه مشي كل الشغالين فقام ونزل فتح الباب واتفاجئ لما لقي قدامه محمد اخوه وهناء مرات ابوه..
يونس بضيق
انتو ايه اللي جابكم دلوقتي..
ذقته هناء ودخلت وقالت
وحشتني يا ابن الغاليين..
محمد قرب منه وقاله
هاجر كلمتها وقالتلها كل اللي حصل بينك وبين شهد وهي حالفه لتربيك..
يونس بضيق
بقولك ايه خد امك واتكل من هنا..
محمد
لو تقدر تقولها كده قول انا اصلا مش فاضي وعندي هوا كمان شويه..
هناء پحده
انت هتفضل واقفلي هنا اومال فين مراتك يا يونس..
قعد يونس قدامها وقال
طلقتها هتعملي فيها مش عارفه..
زعقت فيه وقالتله
قوم فز اياااك تقعد قدااامي يا ولد قوووم اقف..
وقف يونس وقال بقلق
في ايه يا محمد ما تشوف امك..
هناء قلعت الجزمه اللي لابساها وقالت
امه دي هتربيك يا عديم التربيه يا اللي مالقيت اللي يربيك..
_وحدفته بالجزمه بس هو ميل بسرعه فجات في وش محمد اللي قال بغيظ...
محمد
ما تركزي يا امي مش كده..
هناء
ما راحتش بعيد برضو وانت يا زفت تعالي هنا قدامي..
يونس بعصبيه
بقولك ايه انا ما فيش حد خلقه ربنا قدر يعمل فيا كده ولا ربع كده كمان..
هناء پحده
معاك حق زعلانه يا حلوه عشان ضربتك بالجزمه بس انت معاك حق جزمه واحده مش كفايه انت لازم ټضرب بالتانيه..
_ميلت تقلع الجزمه ويونس جري علي محمد واتخبي وراه وقال پخوف..
يونس
يا عم سكت امك يا عم هو ايه ده..
محمد بسخريه
لا انت جاي تتخبي فيا ليه بص هي اصلا ناويه تعيش عندك من هنا وجاي..
يونس
لا ابوس ايدك خدها معاك..
هناء
تعالي يا يونس هنا ما تخافش..
يونس بقلق
مش خاېف علي فكره بس مش جايلك برضو..
كتم محمد ضحكته وهناء زعقت فيه وقالت
خد يا واد انت هنا يا تتعبنيش معاك بدل ما انا اللي اجياك ولو جيتلك يومك مش هيعدي علي خير..
قرب منها يونس وقال
علي فكره مش خاېف اصلا..
هناء
جدع وانت يا شيخ محمد روح ياخويا للهوا بتاعك ليفوتك وايااك اسمع انك زعلت مراتك وولادك انا كل يوم هكلمهم اطمن عليهم..
محمد
عينيا يا ست الكل وهخلي السواق يدخلك الشنطه..
مشي محمد ويونس قاله
محمد ولااا ما تخليش حد يدخل حاجه..
هناء
بتقول ايه يا ابن حاامد..
يونس
بقول حضرتك هتفضلي مشرفااني لامتي..
هناء
لحد ما تتلم وتتربي امك ماټت بدري وانا استندلت وسيبتك وابوك رمااك في الشارع فعشان كده طالع قليل ربايه وواطي بس ما ابقاش انا هناء ان ما ربيتك من اول وجديد وانا اهو فضيالك..
يونس بضيق
اقسم بالله انا اللي ما فاضيلك وحياتي فيها الف هم وهم..
هناء بسخريه
ما هو بسببك تخون شهد يا يونس...
اتملت عيونها دموع وقالت
بتغلط زي اخوك مازن بس مش هسيبك تضيع زيه فاهم ولا لا..
ابتسم يونس وقالها
حاضر..
هناء پحده
روح يلا غير هدومك وتعالي عشان تفطر واعمل حسابك ان ما فيش اكل بره غير الغدا والعشا هنا معايا فاهم ولا لا..
يونس
ان شاء الله حاضر...
بقلم_الكاتبه_رحاب_القاضي 
_ في شركة عمار المنشاوي..
كانت جميله قاعده علي مكتبها وطلع عمار من مكتبه وهو بيتكلم في الموبيل بتاعه وقال..
عمار
تمام يا مدام فريده لا ان شاء الله الصبح هتكون عند حضرتك وانا اللي هوصلها بنفسي..
قفل مع فريده وقال لجميله
نص ساعه وتكوني جاهزه عشان هتيجي معايا شرم الشيخ..
جميله
ايه اروح فين...
عمار بجديه
ايه مالك عندنا شغل واجتماع مهم وانتي لازم تيجي معايا..
جميله
انا بعتذر بس ماما مش هتسمحلي اسافر وو..
قرب منها وقال بصوت واطي
اخدت اذنها وقالتلي خدها وما ترجعهاش تاني..
جميله بتوتر من قربه
اصيله اووي ماما وپتموت فيا..
غمزلها عمار وقال
مش لوحدها والله..
جميله بتوتر
ها..
بعد عنها عمار وقال لفيروز
ظبطي بقي كل حاجه يا فيروز وفهميها النظام معايا هناك هيكون ازاي...
فيروز بضيق
حاضر يا عمار بيه تحت امرك..
دخل عمار مكتبه وجميله قالت
يا نهار اسود انا وهو هنسافر كده لوحدنا..
فيروز بضيق
علي فكره هو ديما بياخدني انا في الشغل ده ولما كان بيروح شرم كان بيبقي لوحده برغم اني بشتغل اكتر منك بس هو مفضلك عليا في حاجات كتير..
قامت جميله وقعدت جنبيها وقالت بحزن
انا اسفه والله ما كانش قصدي ادايقك انا عارفه اني دبش وغبيه ومش شاطره زيك بس صدقيني عمار بيه بيساعدني مش اكتر والله طيب انا ممكن والله ادخل اقوله ياخدك مكاني واقوله اني تعباانه انا بجد مش قصدي..
فيروز بهدوء
انتي طيبه اووي يا جميله برغم انك مستفزه بس قلبك طيب ويا ستي انا متعوده من يومي اذاكر وانجح واطلع الاولي بس يتحكم عليا ادخل تجاره واخويا يدخل طب عشان هو الولد وانا البنت واهلي مش هيقدرو يصرفو علينا احنا الاتنين في كلية الطب اشتغل واتعب وفلوسي تتاخد عشان البيت وما احنا كده كده هنبقي نجهزك وياما عملنالك ه انتي وصلتي لشغلك ده ازاي يعني..
جميله
اروح ارميلك نفسي من فوق عشان ترتاحي يعني يا ستي سبيها علي ربنا ويمكن تتجوزي واحد كده مليونير وتتبري من اهلك وترتاحي..
ضحكت فيروز وقالت
ههههههه طيب تعالي اقولك بقي عمار بيه هيحتاج ايه هناك عشان تجهزيه ويبقي معاكي واياكي تنسي اي حاجه دي صفقه مهمه ولازم تكون كل حاجه جاهزه..
جميله
استعنا علي الشقا بالله وريني ياختي..
بقلم_الكاتبه_رحاب_القاضي 
_ في شركة يونس..
كانت دارين عنده في المكتب وقالتله...
دارين
زكريا ده مش ساهل والله واوعي