سكريبت الاصطباحة بقلم دافنشي المصري

_ ابراهيم انت تعرف ياباني  
لأ 
_ طب اتلهي
تمام كنتو بتعملوا ايه في بقية
الأيام 
_ فاكر لما كنت بقولك انا رايحة أغفل واحدة صاحبتي 
فاكر 
_ انا كنت بغفلك انت 
أوكيه 
_ فاكر لما كنت بقولك انا رايحة اخيط شوية فساتين عند الخياطة 
فاكر 
_ انا كنت بخيطك انت 
أحيه 
_ محتاج تعرف تفاصيل مؤلمة أكتر 
يا ريت 
_ كل الهدايا اللي انت كنت بتجيبهالي انا كنت بديهاله 
أيوه بس دي كلها حاجات حريمي 
_ كان بيديها لمامته
انتي بتنصبي عليا عشان تساعديه على بر الأم إيه الميكياڤيليه اللي انتي فيها دي 
_ مش كدا بس انا قلدت الشبكة اللي انت جايبهالي بالظبط وجيبت طقم دهب صيني زيها بالميللي
وشبكتي 
_ بيعتها واديته فلوسها يدفعها مقدم عربية جديدة 
انتي
ليه مخلصة في الخېانة كدا 
_ الست الأصيلة هي اللي تقف جنب عشيقها 
هو سؤال واحد بس محتاج اعرف إجابته 

_ حتى لو اكتر من سؤال هجاوبك عادي انا فاضية بقولك سعيد مبيصحاش دلوقتي 
سعيد مين 
_ اللي انا ماشية معاه يوه يقطعني نسيت اعرفكم ببعض 
هي ناقصة تعريف يا سارة ما كفاية التعريف اللي انا غرقان فيه بقالي سنتين 
_ طب اسأل سؤالك 
الواد دا دخل بيتكم زي ما انا دخلته 
_ اه عادي على فكرة وكنت بأكلك بواقي الأكل اللي هو بيسيبه 
وابوكي وامك  
_ كنت مفهماهم انه ابن خالتي 
ازاااااي 
_ قادرة يا أخي 
تمام ممكن اعرف انتي ليه اعترفتيلي دلوقتي عايزة تسيبيني وتتجوزيه طبعا 
_ لا خالص انا هفكسله هو كمان 
أمال عملتي كل دا ليه 
_ كنت بعلمك درس مهم 
درس إيه 
_ ابراهيم احنا عرفنا بعض ازاي 
شقطتك من جروب احتواء 
_ شقطتني ازاي 
عجبك بوست كنت كاتبه وډخلتي كلمتيني
_ كان بيقول ايه البوست دا 
مفيش ست خاېنة احنا اللي مش رجالة