سكريبت الاصطباحة بقلم دافنشي المصري
_ إبراهيم انا بخونك ولازم ڼفسخ خطوبتنا
بټخونيني ازاي يعني يا سارة
_ انت مش مستوعب وللا انت مش فاهم المصطلح أصلا
لا هو المصطلح أصله ممكن يتفهم بأكتر من طريقة الخېانة ليها تعريفات مختلفة باختلاف المواقف
_ طب خد التعريف دا انا ماشية مع واحد تاني غيرك بقالي سنتين
دا من تاريخ خطوبتنا بالظبط
_ من يوم خطوبتنا تحديدا اتعرفت عليه بعد الفرح
صاحب القاعة
_ لأ كابتن أوبر اللي روحني عليه حتة انا وصلت يا افندم انتي فين بتسيب مفاصلي
طب انا من حقي اعرف ازاي قدرتي تخدعيني طول الفترة دي ولا بان عليكي
_ بص هو مش من حقك ولا حاجة بس انا فاضية دلوقتي ممكن احكيلك عادي
إحكي كنتي بتكلميه امتى وانا معاكي على التليفون طول اليوم
_ الأوقات البينية يا ابراهيم ياه لو نعرف قيمة الأوقات البينية اللي بنضيعها في تفاهات
انتي هتوعظيني دا انتي بتعطي
هو انتي كنتي بتسبحي ربنا في الأوقات دي
_ لما كنت بتنزل تقعد مع اصحابك على القهوة وتلعب دومينه كنت أنا بكلمه
انا دلوقتي حاسس انك جاتلك الپلاطة وبتشاوريلي بيها إشارة ذات مغزى
_ وكنت بكلمه وانت في الحمام عشان عارفة انك بتحب تلعب سابواي وانت فاتح المي
يعني انا ڠلطان اني بشاركك هواياتي بتستخدميها ضدي
_ وعارف انا ليه كنت بنام على صوتك كل يوم في التليفون
عشان انا صوتي مريح
_ لا انت مش كريمة مختار انا مكنتش بنام اصلا انا كنت بكلمه بعد ما تقفل
اتقابلتوا وللا كنتو مقضيينها تليفونات بس
_ دا إيه شغل مراهقين التسعينات دا معقولة يعني يا ابراهيم هخونك في التليفون بس ليه هخونك مع احمد التباع
كنتو بتتقابلوا ازاي وانا عارف كل تحركاتك
_ فاكر كورس الياباني اللي كنت بروحه حد واربع
كان بيحضر معاكي الكورس
_ مفيش كورس اصلا انا كنت بروح اتصرمح معاه
أيوه بس انتي الياباني پتاعك اتحسن
