سكريبت بقلم نور رأفت
حضر محاضراته كلها وكان متلهف يخلص عشان يشوفها
عنيه كانت بتلڤ حوليه في كل مكان
زياد: فيه ايه ياخالد عمال تبص حوليك زي الحشا-شين ليه يابني
خالد: لا مفيش يلا ناكل
فقد الامل يشوفها راح هوا و اصحابه ع الكافتيريا
خالد: سيد ياصحبي كبايه القهوه بتاعتي بالله
سيد: عيوني ي غالي
جه يلف لقيها بتاخد القهوه بتاعتها وماشيه، من الخ-ضه معرفش ينده عليها اما هيا اخدت طلبها ومشيت قعدت بعيد في حالها تذاكر ب قهوتها
خالد: زياد زياد خد الشله و امشو منغيري ورايا حاجه اعملها
زياد: ماشي يعم
اخد قهوته و راح تجاه الطاوله بتاعتها قعد منغير ميستأذن
خالد: بتزاكري تشريح اشطر كتكوت دا ولا ايه
بصت عليه بصه ببرود وكملت مزاكره ولا كأنه موجود
خالد: مبراحه ي تيا هتحرقيني يختي بنظراتك ولا اكمن اسمك حلو حبتين ثلاثه مش هتشوفينا
تيا بعصپيه : فيه ايه مالك عاوز ايه ايه حدفك عليا
خالد:اف شكلك مش عارفه تزاكري
مدت شفتها لقدام بضيق وقالت بيأس: مش فاهمه دي وعليا امتحان كمان شويه
شدت شعرها لورا وبصتله ب ضيق
خالد بمزاح: ايه ايه برضو حاجه تزعل اميرتنا، استني هشرحهالك بصي يستي الع-ضو الافرازي يتكون من...........
قعد يشرحلها بسهوله شديده وكأنو دارس المنهج دا ميــ،ت مرا قبل كدا، خالد من النوع اللي بينام ف المحاضرات ومش بيهتم بالسكاشن بس مهو زكي جدا مجرد ميسمع المعلومة لزقت ودا اللي خلاه من الاوائل ع دفعته
خالد: بس كدا فهمتي
تيا بفرح: اه والله فهمتها بسهوله شكرا اوي بجد الموضوع كان سهل لما شرحته
خالد: اي خدمه يباشا لو احتيجي حاجه انا هنا
ابتسمت وخدت حجاتها /رايحه امتحن دلوقتي شكرا تاني بجد
قعد هايم وهوا بيبص عليها لحد مختفت
خالد/والله شكلك وقعدت ياد يا خالد وقعه مش هتقوم منها
قعد مستنيها لحد مخلصت الامتحان وهيا طالعه من معمل التشريح لقيته واقف
خالد: ها عملتي ايه
تيا: انت ليك 4ساعات مستني برا
